మల్టీస్టారర్ సినిమాలు ఇప్పుడు చాలా కామన్‌ అయిపోయాయి. అన్ని వుడ్స్‌ నుండి నటుల్ని తీసుకొని సినిమాలు రూపొందించడానికి దర్శకనిర్మాతలు రెడీ అయిపోతున్నారు. అయితే ఇప్పుడు మేం చెప్పేది మల్టీస్టారర్ గురించి కాదు.. మెగా మల్టీస్టారర్ గురించి. ఎందుకంటే మేం చెప్పే విషయంలో సినిమాల నుండి, క్రికెట్‌ నుండి, టీవీ నుండి నటులు కనిపించబోతున్నారు. విషయం ఏంటనేది తెలియదు కానీ.. వీరంతా కలిపి ఒకే ఫ్రేమ్‌లో కనిపించబోతున్నారు. గురువారం రాత్రి దాటాక సౌరభ్‌ గంగూలీ, రోహిత్‌ శర్మ, రష్మక మందన, కార్తి, కపిల్‌ శర్మ ఇన్‌స్టాగ్రామ్‌ల్లో పోస్టర్లు కనిపించాయి.
దాని మీద మెగా బ్లాక్‌ బస్టర్‌ అని ఓ పేరు కనిపిస్తోంది. ట్రైలర్‌ సెప్టెంబరు 4న వస్తోంది అని రాశారు. ఈ విషయాలు తప్ప ఇంకేం చెప్పలేదు. దీంతో ఇది టీవీ షోనా, యాడ్‌ వీడియోనా, డాక్యమెంటరీనా అంటూ నెటిజన్లు చర్చించుకోవడం మొదలుపెట్టారు. మొత్తంగా ఐదుగురు స్టార్లను తీసుకొని ఎవరు, ఏం చేస్తున్నారు అనేది అర్థం కావడం లేదు. దీంతో వాళ్లు చెప్పినట్లు నాలుగో తేదీ వరకు ఆగడం ఒకటే దారి అనిపిస్తోంది.
అయితే దానికి ఇంకా రెండు రోజులు ఉంది కాబట్టి.. ఈలోపు ఏదో ఒక క్లూ వస్తుంది అని అనుకుంటున్నారు. సౌరభ్‌ గంగూలీ, రోహిత్‌ శర్మ, రష్మక మందన, కార్తి, కపిల్‌ శర్మ నుండి మరో అప్‌డేట్‌ రాకపోతుందా అని వెయిట్‌ చేస్తున్నారు. బ్యాగ్రౌండ్‌ వర్క్‌ చూస్తుంటే ఏదో ఓటీటీకి, లేదంటే టీవీ షోకి ప్రోమో అనిపిస్తోంది. అయితే ఇది పాన్‌ ఇండియా లెవల్‌లో ఉంటుంది అనిపిస్తోంది. టీవీల నుండి కపిల్‌ శర్మను, సౌత్‌ నుండి కార్తి, రష్మిక మందనను తీసుకున్నారు.
ఇక క్రికెట్‌ నుండి ప్రస్తుత కెప్టెన్‌ రోహిత్‌ శర్మను, బీసీసీఐ అధ్యక్షుడు సౌరభ్‌ గంగూలీని కూడా తీసుకున్నారు. క్రీడా నేపథ్యం, సినిమా నేపథ్యంలో సాగబోయే ఏదైనా డాక్యుమెంటరీ వీడియో, పాట అవ్వొచ్చు అనిపిస్తోంది. లేకపోతే టీ20 ప్రపంచకప్‌ కోసం ఏదైనా స్పెషల్‌ వీడియో చేయించారా అనేది కూడా చర్చలో భాగమైంది. చూద్దాం రెండు రోజుల తర్వాత.
1
2
3
4
5
Most Recommended Video
‘లైగర్’ కచ్చితంగా చూడడానికి గల 10 కారణాలు..!
మహేష్ టు మృణాల్.. వైజయంతి మూవీస్ ద్వారా లాంచ్ అయిన స్టార్ల లిస్ట్..!
‘తమ్ముడు’ టు ‘లైగర్’… బాక్సింగ్ నేపథ్యంలో రూపొందిన సినిమాల లిస్ట్..!
