స్పైడర్ టీజర్ ఎలా ఉండబోతుందంటే ?

సూపర్ స్టార్ మహేష్ బాబు అభిమానులు ఎప్పటి నుంచో ఎదురుచూస్తున్న స్పైడర్ టీజర్ రేపు ఉదయం 9 గంటలకు రిలీజ్ కానుంది. కమర్షియల్ డైరక్టర్ మురుగదాస్ దర్శకత్వంలో తెరకెక్కుతోన్న ఈ మూవీ “స్పైడర్ గిల్మ్స్” పేరిట టీజర్ గత నెల మొదటి తేదీన రిలీజ్ అయింది. అందులో రోబో స్పైడర్ మహేష్ బాబు పై పాకే గ్రాఫిక్ సీన్ బాగున్నప్పటికీ, సినిమాలోని షాట్స్ చూడాలని అభిమానులు కోరుకున్నారు. వారి కోసం మురుగదాస్ బృందం అసలైన టీజర్ ని రెడీ చేసింది. ఒక నిముషం నిడివిగల ఈ టీజర్ లో మహేష్ ఒక్కరే కనిపిస్తారా? మహేష్ స్పై చేసే వ్యక్తులను కూడా చూపిస్తారా? అనేది సస్పెన్స్ గా ఉంది.

లండన్లో నిపుణుల ఆధ్వర్యంలో రూపుదిద్దుకున్న ఈ టీజర్ సంచలనం సృష్టించడం గ్యారంటీ అని చిత్ర బృందం ధీమా వ్యక్తం చేసింది. ఏకకాలంలో తెలుగు, తమిళ భాషల్లో నిర్మితమవుతున్న ఈ చిత్రంలో మహేష్ ఇంటెలిజన్స్ ఆఫీసర్ గా కనిపించనున్నారు. ఠాగూర్ మధు సమర్పణలో ఎన్.వి.ఆర్. సినిమా, ఎల్ఎల్పి, రిలయన్స్ ఎంటర్టైన్మెంట్ పతాకాలపై  ఎన్.వి.ప్రసాద్ నిర్మిస్తున్న ఈ చిత్రం సెప్టెంబర్ 27 న థియేటర్లోకి రానుంది.

Also, do SUBSCRIBE to our YouTube channel to get latest Tollywood updates.