‘స్పైడర్’కి నేషనల్ అవార్డ్ కన్ఫర్మ్ అంటున్న తమిళ నటుడు

ఇప్పుడు ఎక్కడ చూసినా…ఎక్కడ విన్నా టాలీవుడ్ నుంచి కాలీవుడ్ వరకూ స్పైడర్ మ్యానియా రన్ అవుతుంది. అవును టాలీవుడ్ ప్రిన్స్ మోస్ట్ అవైటెడ్ మూవీ స్పైడర్ ఫర్స్ట్ లుక్ తో సంచలనాలు సృష్టించిన విషయం తెలిసిందే. అయితే ఈరోజు విడుదలయిన టీజర్ సైతం యూ ట్యూబ్ ని షేక్ చేస్తుంది. ఇదిలా ఉంటే ఈ సినిమా ఇంకా ఆడియో విడుదల కాలేదు, ట్రైలర్ లాంచ్ కాలేదు, అసలు సినిమా విడుదల తేదీపై ఇంకా క్లారిటీ లేదు కానీ సినిమాకి న్యాషనల్ అవార్డ్ కన్ఫర్మ్ అంట. ఇదేదో నేను అంటుంది కాదండోయ్…సాక్షాత్తూ ఈ సినిమాలో విలన్ గా నటిస్తున్న తమిళ హీరో భారత్ చేస్తున్న వాదన, అయితే అసలు ఈ సినిమాకి అంత పెద్ద న్యాషనల్ అవార్డ్ ఎందుకు వస్తుంది అంటే, దానికి తాను చెపుతున్న సమాధానం ఏంటి అంటే, ఈ సినిమాలో కధానుగుణంగా భారీ యాక్షన్ సీన్స్ ఉంటాయట, అంతేకాకుండా ఈ మధ్యనే అటు ప్రిన్స్, ఇటు భారత్ మధ్య ఒక సన్నివేశం తెరకెక్కించారట, ఇక ఆ సన్నివేశం అయితే ఉత్తమ రీతిలో ఉందట, అంతేకాదు, ఈ ఫైట్స్ గురించి వివరిస్తూ, తన కెరీర్లో ఇప్పటి వరకు చాలా స్టంట్స్ చేశానని కానీ ‘స్పైడర్’ లో చేసినవి మాత్రం ప్రత్యేకమైనవన్న భరత్ వియత్నాంలోని ఒక భారీ రోలర్ కోస్టర్ మీద ఈ ఫైట్స్ షూట్ చేశాం.

అవి చాలా రిస్క్ తో కూడుకున్నవి. నాకు, మహేష్ కు మధ్య మాత్రమే అవి ఉంటాయి. స్టంట్ కొరియోగ్రఫర్ పీటర్ హెయిన్స్ ఆ ఫైట్స్ ను చాలా గొప్పగా రూపొందించారు అంటూ సినిమా గురించి తెగ చెప్పేస్తున్నాడు. అంతేకాకుండా మా సినిమాటోగ్రఫర్ సంతోష్ శివన్ కి, ఫైట్ మాస్టర్ పీటర్ హెయిన్స్ కి ఖచ్చితంగా న్యాషనల్ అవార్డ్స్ వస్తాయని చెబుతున్నాడు ఈ హీరో కమ్ విలన్. చూద్దాం మరి ఏం జరుగుతుందో.

Also, do SUBSCRIBE to our YouTube channel to get latest Tollywood updates.