టాలీవుడ్ ఇండస్ట్రీలోని స్టార్ ప్రొడ్యూసర్లలో అశ్వనీదత్ ఒకరు. అశ్వనీదత్ నిర్మాతగా తెరకెక్కిన సినిమాలలో మెజారిటీ సినిమాలు ఘన విజయం సొంతం చేసుకున్నాయి. వైజయంతీ మూవీస్ బ్యానర్ పై అశ్వనీదత్ నిర్మాతగా పదుల సంఖ్యలో సినిమాలను నిర్మించారు. అశ్వనీదత్ సీనియర్ ఎన్టీఆర్ కు వీరాభిమాని కావడం గమనార్హం. సీనియర్ ఎన్టీఆర్ హీరోగా తెరకెక్కిన ఎదురులేని మనిషి వైజయంతీ మూవీస్ బ్యానర్ లో తొలి సమర్పణ కాగా ఈ సినిమా బాక్సాఫీస్ వద్ద బ్లాక్ బస్టర్ హిట్ గా నిలిచింది.
ఎదురులేని మనిషి సినిమా 1975 సంవత్సరం డిసెంబర్ 12వ తేదీన విడుదల కాగా ఈ సినిమాకు ఎన్నో ప్రత్యేకతలు ఉన్నాయి. ఈ సినిమా నుంచి సీనియర్ ఎన్టీఆర్ బాడీ లాంగ్వేజ్, లుక్స్ తో పాటు విగ్గు కూడా మారింది. ఈ సినిమాలో “కసిగా ఉంది” అనే పాట ఉండగా ఆ పాటను విన్న ఎన్టీఆర్ నిర్మాత అశ్వనీదత్ తో ఈ పాటకు నేను డ్యాన్స్ చేయాలా అని అడగగా అశ్వనీదత్ నేను మీ ఫ్యాన్ నని నా ఫేవరెట్ హీరో ఎలా కనిపించాలనే విషయంలో కొన్ని ఆలోచనలు ఉన్నాయని చెప్పారు.
ఆ ఆలోచన ప్రకారం ఎదురులేని మనిషి స్క్రిప్ట్ ను సిద్ధం చేసుకున్నామని నాలాంటి ఫ్యాన్స్ మీకు ఎంతోమంది ఉన్నారని వాళ్లు కూడా తప్పనిసరిగా కొత్తదనాన్ని ఆహ్వానిస్తారని అశ్వనీదత్ కామెంట్లు చేశారు. అశ్వనీదత్ తన మనస్సులోని మాటను చెప్పగా సీనియర్ ఎన్టీఆర్ వయస్సును పట్టించుకోకుండా వాణిశ్రీతో కలిసి అద్భుతంగా స్టెప్పులు వేయడం గమనార్హం. ఈ సినిమాతో సీనియర్ ఎన్టీఆర్ నుంచి కొత్త ట్రెండ్ మొదలుకావడంతో పాటు ప్రేక్షకుల నుంచి ప్రశంసలు వ్యక్తమయ్యాయి.
ఈ సినిమా 100 డేస్ ఫంక్షన్ లో సీనియర్ ఎన్టీఆర్ మాట్లాడుతూ ప్రజల్లో మారిన అభిరుచులకు అనుగుణంగా తాను మారానని తెలిపారు. అశ్వనీదత్ ఇచ్చిన విగ్గును తగిలించుకున్నానని ఇచ్చిన డ్రెస్ ను వేసుకున్నానని ఆయన చెప్పినదానితో పోలిస్తే ఒక అడుగు ఎక్కువే ఎగిరానని సీనియర్ ఎన్టీఆర్ చెప్పుకొచ్చారు.
Most Recommended Video
కన్మణి రాంబో కటీజా సినిమా రివ్యూ & రేటింగ్!
వీళ్ళు సరిగ్గా శ్రద్ద పెడితే… బాలీవుడ్ స్టార్లకు వణుకు పుట్టడం ఖాయం..!
కే.జి.ఎఫ్ హీరో యష్ గురించి ఈ 12 విషయాలు మీకు తెలుసా..!
Home
