‘ఓం భీమ్ బుష్’(Om Bheem Bush)… ఇది సినిమా పేరు అని చెబితే కచ్చితంగా వినోదాత్మక చిత్రం అని చెప్పేయొచ్చు. దానికి తోడు టీజర్‌, ట్రైలర్‌, పోస్టర్‌… ఇలా ప్రచారంలో ప్రతి చోటా ఆ విషయాన్నే చెప్పకనే చెబుతున్నారు టీమ్‌ సభ్యులు. ఇక సినిమా రిలీజ్‌కి రెడీ అవుతోంది అని అనగా… ఇప్పుడు సినిమా గురించి హీరో శ్రీ విష్ణు (Sree Vishnu) ఆసక్తికర వ్యాఖ్యలు చేశారు. ఈ సినిమాలో కామెడీ మాత్రమే కాదని, ఇంకా చాలా ఉన్నాయని… అవన్నీ దాచాం అని అంటున్నారు. దీంతో ఏంటా స్పెషల్‌ థింగ్స్‌ అనే చర్చ మొదలైంది.
వినూత్నమైన కథలతో సినిమాలు చేయడం శ్రీవిష్ణుకు అలవాటు. హీరోగా ఆయన చేసిన ఏ రెండు సినిమాలూ ఒకేలా ఉండవు. పూర్తిస్థాయి నవ్వుల సినిమా ‘సామజవరగమన’ (Samajavaragamana) తర్వాత ఆయన ఇప్పుడు ‘ఓం భీమ్ బుష్’ అంటూ మరోసారి నవ్వించేందుకు వస్తున్నారు. అయితే ఈ సినిమా నవ్వులతో పాటు చాలా ఎమోషన్లు ఉన్నాయి అని చెప్పారు. ఈ సినిమా కథలో ఓ కొత్త అంశం ఉందని, ఇప్పటివరకూ తెరపైన ఎవరూ టచ్‌ చేయని పాయింట్‌ మేం చూపిస్తున్నామని శ్రీ విష్ణు తెలిపారు. ఆ పాయింట్‌ చుట్టూ ఉన్న కథని వినోదాత్మకంగా చెప్పామన్నారు.
ఈ సినిమా వినోదాత్మక చిత్రం అని చెబుతున్నా… మిస్టరీ, థ్రిల్‌తోపాటు ఐదారు అంశాలు ఉన్నాయన్నారు. అవి ఏ స్థాయిలో ప్రభావం చూపిస్తాయనేది వాళ్లకూ తెలియదట. అందుకే వినోదం గురించే ఎక్కువగా ప్రచారం చేస్తున్నామన్నారాయన. మరి ఆ అంశాలేంటి, ఎలాంటి రియాక్షన్‌ అందుకుంటాయో తెర మీద చూడాలి. అవును మరి.. మీ హీరో ప్రయాణం ఎలా ఉంది అని అడిగితే… చిన్న పాత్రలు, పెద్ద పాత్రలతో ప్రయాణం మొదలుపెట్టి, ఆ తర్వాత కథానాయకుడిగా మారాను అంటూ గతం గుర్తు చేసుకున్నారు.
కీలకమైన పాత్రల్లో కనిపించాక ఇప్పుడు హీరోగా చేస్తున్నా. ఇదంతా ఓ సైకిల్‌ లాంటి ప్రయాణం. ఇద్దరు ముగ్గురు హీరోలున్న సినిమాల్లోనూ చేస్తున్నాను. మంచి కథ అనిపిస్తే వేరే హీరోల చిత్రాల్లో కీలకమైన పాత్రలు చేయడానికి సిద్ధమే. టాప్‌స్టార్స్‌ తప్ప మిగిలిన వాళ్లు ఎప్పుడో ఒకసారి ఇలాంటి పాత్రల్లోకి దిగాల్సిందే అంటూ చిన్న సైజు వేదాంతం కూడా చెప్పాడు శ్రీ విష్ణు.
విజయ్ కారు ధ్వంసం.. కారణం?
‘ఉస్తాద్ భగత్ సింగ్’ నుండీ మరో గ్లింప్స్ వచ్చేసింది.. ఎలా ఉందంటే?
