Gaaya Padda Simham: శ్రీవిష్ణు ‘పోరాడే సింహం’..!

తరుణ్ భాస్కర్ హీరోగా తెరకెక్కిన చిత్రం ‘గాయపడ్డ సింహం’(Gaaya Padda Simham). కశ్యప్ శ్రీనివాస్ దర్శకుడిగా పరిచయమవుతూ చేసిన ఈ సినిమా మే 1వ తేదీన విడుదల కానుంది. మొదటి నుండి ఈ సినిమాని డిఫరెంట్ గా ప్రమోట్ చేస్తూ వచ్చారు.

Gaaya Padda Simham

అందువల్ల జనాల్లోకి బాగానే వెళ్లింది. దిల్ రాజు వంటి బడా నిర్మాత ఈ సినిమాని నైజాంలో విడుదల చేయబోతున్నారు. అందువల్ల అంచనాలు కూడా బాగానే నమోదయ్యాయి.సీనియర్ హీరో జేడీ చక్రవర్తి కూడా ఈ సినిమాలో పవర్‌ఫుల్ రోల్లో కనిపించనున్నారు.

అంతేకాదు ఈ సినిమాలో ‘పోకిరి’ ‘బాహుబలి’ ‘బొమ్మరిల్లు’ ‘కె జి ఎఫ్’ ‘సలార్’ రిఫరెన్సులు కూడా ఉంటాయట. అవన్నీ మంచి ట్రీట్ ఇస్తాయని దిల్ రాజు ప్రమోషన్స్ లో చెప్పడం జరిగింది. ఈ మధ్య కాలంలో ఇలాంటి ఎంటర్టైన్మెంట్ సినిమా అయితే వచ్చింది లేదు. సొ ఏమాత్రం పాజిటివ్ టాక్ తెచ్చుకున్నా.. ఈ వారం బాక్సాఫీస్ వద్ద ‘గాయపడ్డ సింహం’ గర్జించే అవకాశాలు ఉన్నాయి. ఇదిలా ఉంటే.. ఈ సినిమా గురించి మరో ఇంట్రెస్టింగ్ న్యూస్ కూడా ఇప్పుడు ఇండస్ట్రీలో చక్కర్లు కొడుతోంది.

అదేంటంటే.. ఈ సినిమాలో శ్రీవిష్ణు కూడా ఓ కెమియో రోల్ చేస్తున్న సంగతి తెలిసిందే. ఎక్స్టెండెడ్ క్యామియో అని కూడా చిత్ర బృందం చెబుతుంది. అంతేకాదు ‘గాయపడ్డ సింహం’ చిత్రానికి సీక్వెల్ కూడా ఉంటుందట. అందులో శ్రీవిష్ణు టైటిల్ రోల్ పోషించనున్నట్టు సమాచారం. ఈ సెక్వెల్ కి ‘పోరాడే సింహం’ అనే టైటిల్ ని కూడా రిజిస్టర్ చేయించారట. అదీ విషయం..!

మంగ్లీని అరెస్ట్ చేస్తారా?