‘మహర్షి’+ ‘శతమానం భవతి’ ఛాయలు ఉన్నాయి కానీ పర్వాలేదు..!

‘ఒక హీరో తన కొడుకుని హీరోని చేస్తున్నాడు.. ఒక డాక్టర్ తన కొడుకుని డాక్టర్ ను చేస్తున్నాడు.. ఒక ఇంజినీర్ తన కొడుకుని ఇంజినీర్ ను చేస్తున్నాడు.. కానీ ఒక రైతు మాత్రం తన కొడుకుని రైతు చేయాలనుకోవడం లేదు.. ఈ ఒక్కటి నాకు అర్ధంకానీ ప్రశ్న గా మిగిలిపోయింది’ అనే ఇంట్రెస్టింగ్ డైలాగ్ తో ‘శ్రీకారం’ టీజర్ మొదలైంది. టీజర్ ప్రారంభం నుండీ ‘శతమానం భవతి’ మరియు ‘మహర్షి’ చిత్రాలను గుర్తుచేసే విధంగానే ఉంది ఈ టీజర్.

నిజానికి అవి కూడా అరడజను సినిమాలను మిక్సీలో వేసి జ్యూస్ తీసినవే అనుకోండి..! సరే ఆ ఛాయలను పట్టించుకోకుండా ఉంటే.. ‘శ్రీకారం’ టీజర్ బాగానే ఉంది. రైతులకు ఉద్యోగాలు ఇచ్చి.. వారికి జీతాలను ఇవ్వడమే ఈ చిత్రం కథాంశం అని స్పష్టమవుతుంది. ‘శ్రీకారం’ అనే షార్ట్ ఫిలింను కాస్త ఎక్స్టెండ్ చేస్తూ ఈ చిత్రాన్ని రూపొందించినట్టు ఉన్నాడు దర్శకుడు. ఓవరాల్ గా టీజర్ చూస్తుంటే శర్వానంద్ కంబ్యాక్ ఇచ్చేలానే ఉన్నాడు.

కాకపోతే ఇలాంటి లైన్ తో సినిమా తీసినప్పుడు ఏ సంక్రాంతికో రిలీజ్ ప్లాన్ చేసుకుని ఉంటే ఇంకా బాగుండేది. కానీ కుదరక ఈ చిత్రాన్ని మార్చి 11న శివరాత్రి కానుకగా విడుదల చేస్తున్నారు. ఇక కిషోర్.బి డైరెక్ట్ చేస్తున్న ఈ చిత్రాన్ని ’14 రీల్స్ ప్లస్’ బ్యానర్ పై రామ్ ఆచంట,గోపీచంద్ ఆచంట నిర్మిస్తున్నారు. మిక్కీ జె మేయర్ సంగీతంలో రూపొందిన ‘వస్తానంటివో పోతానంటివో’ పాట ఇప్పటికే ఈ చిత్రం పై అంచనాలను పెంచేసిందనే చెప్పాలి.

వామ్మో.. సుమంత్ ఇన్ని హిట్ సినిమాలను మిస్ చేసుకున్నాడా..!
ఈ 20 సినిమాలకి ఊరి పేర్లనే పెట్టారు..అయితే ఎన్ని హిట్ అయ్యాయి
ఈ 10 మంది బుల్లితెర సెలబ్రిటీలు 30 ఏళ్ళ వయసొచ్చినా పెళ్లి చేసుకోలేదట..!