యంగ్ హీరో సుధీర్ బాబు తన ప్రతీ సినిమాలోనూ ఏదో ఒక కొత్తదనం చూపిస్తూ ప్రేక్షకులను ఆకట్టుకుంటూ ఉంటాడు.ప్రస్తుతం ఆయన రెండు క్రేజీ ప్రాజెక్ట్ లలో నటిస్తున్నాడు. అందలే ఒకటి ఇంద్రగంటి మోహన్ కృష్ణ డైరెక్షన్లో చేస్తున్న సినిమా కాగా.. మరొకటి ‘పలాస 1978’ ఫేమ్ కరుణ కుమార్ డైరెక్షన్లో చెయ్యబోతున్న ‘శ్రీదేవి సోడా సెంటర్’.ఈరోజు సుధీర్ బాబు పుట్టినరోజు కావడంతో ‘శ్రీదేవి సోడా సెంటర్’ చిత్రంలో సుధీర్ బాబు పోషిస్తున్న లైటింగ్ సూరిబాబు పాత్రను పరిచయం చేస్తూ ‘లైటింగ్ ఆఫ్ సూరిబాబు’ పేరుతో ఓ గ్లింప్స్ ను విడుదల చేశారు.
‘భ‌లే మంచి రోజు, ‘ఆనందో బ్రహ్మా’ ‘యాత్ర’ వంటి హిట్ సినిమాలను నిర్మించిన ’70.ఎం.ఎం ఎంట‌ర్‌టైన్‌మెంట్స్’ అధినేతలు విజయ్ చిల్లా, శశి దేవి‌రెడ్డి లు కలిసి ఈ చిత్రాన్ని నిర్మిస్తున్నారు. ఇక కొద్దిసేపటి క్రితం విడుదల చేసిన ‘లైటింగ్ ఆఫ్ సూరిబాబు’ గ్లింప్స్ లో సుధీర్ సరికొత్త మేకోవర్‌ లో చాలా కొత్తగా ఉండడాన్ని మనం గమనించవచ్చు.ఇది కూడా 1980 లలో విలేజ్ బ్యాక్ డ్రాప్ లో సాగే కథని స్పష్టమవుతుంది. ఓ గ్రామంలో ‘జాతర’ జరిగే ప్రదేశానికి లైటింగ్ సెట్ చేసే అబ్బాయికి సుధీర్ బాబు ఈ సినిమాలో కనిపించనున్నాడు.
హీరోయిన్ ఎవరనేది ఇంకా రివీల్ చెయ్యలేదు.’పలాస 1978′ హీరోయిన్ నక్షత్ర నే ఈ సినిమాలో కూడా హీరోయిన్ గా ఎంపిక చేసినట్లు ప్రచారం జరిగింది కానీ చిత్ర యూనిట్ సభ్యులు ఇంకా అధికారికంగా ప్రకటించలేదు. ఇది పక్కన పెడితే.. ఈ గ్లింప్స్ లో శ్యామ్‌దత్ సైనుద్దీన్ అందించిన సినిమాటో గ్రఫీ అలాగే మణిశర్మ అందించిన నేపధ్య సంగీతం హైలెట్ గా నిలిచాయి అని చెప్పొచ్చు. ఇంకెందుకు ఆలస్యం ఈ గ్లింప్స్ ను మీరు కూడా ఓ లుక్కేయండి :
థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
Home