వెండితెరకు పరిచయం కానున్న శ్రీకాంత్ చిన్న కుమారుడు

తల్లి దండ్రులు ఇద్దరూ నటులైతే.. వారికీ పుట్టిన సంతానం రక్తంలో నటన ఇమిడిపోయి ఉంటుంది. చిన్న వయసులోనే వారు నటులుగా నిరూపించుకుంటారు. శ్రీకాంత్, ఊహా దంపతుల విషయంలో ఇది మరోసారి నిజమైంది. వీరిద్దరూ హీరో, హీరోయిన్స్ గా మెప్పించారు. ఇప్పుడు వీరి కొడుకు, కూతురు నటనతో మెప్పించారు. పెద్ద కొడుకు రోష‌న్ నిర్మ‌లా కాన్వెంట్ చిత్రంతో హీరోగా ప‌రిచ‌య‌మై మంచి మార్కులు కొట్టేసాడు. కుమార్తె మేధ కూడా సినిమాలో ఎంట్రీ ఇచ్చింది. రుద్ర‌మ‌దేవి చిత్రంలో చిన్నప్పటి రుద్ర‌మ‌గా న‌టించి ఆకట్టుకుంది. ఇప్పుడు శ్రీకాంత చిన్న కుమారుడు రోహ‌న్ కూడా వెండితెర‌పై అలరించడానికి సిద్ధమవుతున్నాడు.

ప్ర‌భుదేవా హీరోగా చేస్తున్న ఓ త్రిభాషా చిత్రంలో న‌టించేందుకు రోహన్ సైన్ చేసినట్లు తెలిసింది. నూతన దర్శకుడు ఆకాష్ దర్శకత్వంలో తెరకెక్కనున్న ఈ చిత్రంలో రోషన్ ఫ‌స్ట్‌లుక్ ఫోటోలు బయటికి వచ్చాయి. ఈ ఫోటోలు సోషల్ మీడియాలో లైక్లు, షేర్లు అందుకుంటోంది. కుటుంబ కథా చిత్రాలు చేస్తున్న సమయంలో శ్రీ‌కాంత్ కి అమ్మాయిల్లో మంచి ఫాలోయింగ్ ఉండేది. రోషన్ తీరు, జోరు చూస్తుంటే తండ్రి కంటే ఎక్కువమంది అభిమానులను సొంతం చేసుకునేలా ఉన్నాడని సినీ విశ్లేషకులు అభిప్రాయం పడుతున్నారు.