Rajamouli, Balakrishna: బాలయ్య గ్రేట్ అంటున్న రాజమౌళి.. ఎందుకంటే..?

దర్శకధీరుడు రాజమౌళి అభిమానించే హీరోలలో నందమూరి బాలకృష్ణ ఒకరనే సంగతి తెలిసిందే. రాజమౌళి బాలకృష్ణ కాంబినేషన్ లో సింహాద్రి సినిమా తెరకెక్కాల్సి ఉన్నా బాలకృష్ణ ఆ కథను రిజెక్ట్ చేయడంతో రాజమౌళి ఎన్టీఆర్ తో ఆ సినిమాను తెరకెక్కించారు. రాజమౌళి ఒక సందర్భంలో మాట్లాడుతూ వీవీ వినాయక్ డైరెక్షన్ లో తెరకెక్కిన చెన్నకేశవరెడ్డి ఒక సాంగ్ షూట్ చేయకుండా రిలీజైందని తెలిపారు. చెన్నకేశవరెడ్డి మూవీకి ఓపెనింగ్స్ బాగానే వచ్చినా వినాయక్ ఆశించిన స్థాయిలో ఆ సినిమా సక్సెస్ కాలేదని రాజమౌళి చెప్పుకొచ్చారు.

ఆ సమయంలో బాలకృష్ణ వినాయక్ తో మీరు ఈ సినిమా కోసం బాగా కష్టపడ్డారని నేను మిమ్మల్ని నమ్మి ఈ సినిమా చేశానని మీపై గౌరవం తగ్గలేదని అన్నారని బాలయ్య అలా చెప్పడంతో వినాయక్ ఎమోషనల్ అయ్యారని రాజమౌళి తెలిపారు. దర్శకుడు ఏది చెబితే బాలకృష్ణ అలా చేస్తారని విగ్ బాలేదని, షర్ట్ బాలేదని చెబితే తీసి పక్కన పెడతారని వినాయక్ చెప్పారని రాజమౌళి అన్నారు. అయితే రాజమౌళి బాలకృష్ణ కాంబినేషన్ లో సినిమా వస్తే బాగుంటుందని బాలకృష్ణ ఫ్యాన్స్ భావిస్తున్నారు.

రాజమౌళి భవిష్యత్తులో మహాభారతం తెరకెక్కిస్తున్న నేపథ్యంలో పౌరాణిక పాత్రలు అద్భుతంగా పోషించే బాలయ్యకు ఆ సినిమాలో ఛాన్స్ దక్కుతుందో లేదో చూడాల్సి ఉంది. రాజమౌళి ప్రస్తుతం ఆర్ఆర్ఆర్ మూవీతో బిజీగా ఉండగా ఈ సినిమా పూర్తైన తర్వాత రాజమౌళి మహేష్ సినిమా కథ, ప్రీ ప్రొడక్షన్ పనులపై దృష్టి పెట్టనున్నారని సమాచారం. మరోవైపు కరోనా సెకండ్ వేవ్ వల్ల ఆర్ఆర్ఆర్ రిలీజ్ డేట్ విషయంలో గందరగోళం నెలకొంది.

Most Recommended Video

ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!