Rajamouli: అవార్డ్స్ కార్యక్రమంలో సరికొత్త లుక్‌లో కనిపించి సర్‌ప్రైజ్ చేసిన రాజమౌళి!

January 5, 2023 / 01:34 PM ISTByFilmy Focus

Join Us

Rajamouli: అవార్డ్స్ కార్యక్రమంలో సరికొత్త లుక్‌లో కనిపించి సర్‌ప్రైజ్ చేసిన రాజమౌళి!

ప్రపంచ సినిమాకి పెద్ద దిక్కు.. అసలు ఇతర దేశాలు ఎప్పుడైనా వాళ్ల స్థాయిలో సినిమాలు తియ్యగలవా?.. అసలు వాళ్లకలాంటి అద్భుతమైన ఐడియాలు ఎలా వస్తాయబ్బా? అని విశ్వవ్యాప్త ప్రేక్షకులను ఇప్పటికీ ఆశ్చర్యపరిచేలా చిత్రాలు తీయడం ఒక్క హీలీవుడ్‌కి మాత్రమే సాధ్యం.. మన సౌత్ ఇండస్ట్రీ దాదాపు వారితో పోలిక కాదు కదా కనీసం ఛాయలకు కూడా పోదు.. వాళ్ల తర్వాత బాలీవుడ్ మాత్రమే తోపు.. కరెక్టే కానీ ఇదంతా ఒకప్పుడు.. ఇప్పుడు నార్త్ సైతం నోరెళ్లబెట్టేలా తెలుగు సినిమా ప్రపంచపు అంచుల వరకూ పాకుతోంది..

కట్ చేస్తే.. కొద్ది రోజులుగా హాలీవుడ్‌లో ‘ఆర్ఆర్ఆర్’ హంగామా కంటిన్యూ అవుతూనే ఉంది.. ‘బాహుబలి’ సిరీస్ చిత్రాలతో తెలుగు సినిమా ఖ్యాతిని విశ్వవ్యాప్తం చేసిన దర్శకధీరుడు రాజమౌళి మీద ప్రశంసల జల్లు కురుస్తూనే ఉంది.. ఆయనతో పాటు ఈ చిత్రానికి పనిచేసిన నటీనటులు, సాంకేతిక నిపుణులకు కూడా పేరు, ప్రఖ్యాతలు దక్కుతున్నాయి.. అలాగే యంగ్ టైగర్ ఎన్టీఆర్ – మెగా పవర్ స్టార్ రామ్ చరణ్ ఇద్దరికీ కూడా అంతర్జాతీయ స్థాయిలో గుర్తింపు వచ్చింది..

ప్రపంచ సినిమాకు పెద్ద తలకాయ అయిన హాలీవుడ్ ఇండస్ట్రీ ట్రిపులార్ సినిమాను ఎంతలా ఆదరిస్తుందనే దానికి ఇటీవల జరిగిన కొన్ని సంఘటనలను ఉదాహరణగా చెప్పొచ్చు.. హాలీవుడ్‌‌లో ప్రతిష్టాత్మకంగా భావించే గవర్నర్స్ అవార్డుల ప్రధానోత్సవ కార్యక్రమానికి రాజమౌళిని ఆహ్వానించారు.. హాలీవుడ్ క్రిటిక్స్ అసోసియేషన్ నుండి కాస్ట్ అండ్ క్రూ (నటీనటులు, సాంకేతిక నిపుణులు) కు ‘‘స్పాట్ లైట్ విన్నర్’’ అవార్డు వచ్చింది. న్యూయార్క్ ఫిల్మ్ క్రిటిక్స్ సర్కిల్ (బెస్ట్ డైరెక్టర్).. శాటన్ అవార్డ్స్ (బెస్ట్ ఇంటర్నేషనల్ ఫీచర్ ఫిలిం)..

అట్లాంటా ఫిల్మ్ క్రిటిక్స్ సర్కిల్ (బెస్ట్ ఇంటర్నేషనల్ ఫిలిం).. మరియు సన్ నెట్ సర్కిల్ (బెస్ట్ ఇంటర్నేషనల్ ఫిలిం) అవార్డులతో పాటు పలు అవార్డులు ట్రిపులార్ చిత్రాన్ని వరించాయి.. జక్కన్న ఫ్యామిలీతో పాటు కొద్ది రోజులుగా అక్కడే ఉంటూ ‘ఆర్ఆర్ఆర్’ ను మరింత ఉన్నత స్థాయికి తీసుకెళ్లే ప్రయత్నాలు చేస్తున్నారు. తాజాగా న్యూయార్క్ ఫిల్మ్ క్రిటిక్స్ సర్కిల్ (బెస్ట్ డైరెక్టర్) అవార్డును అందుకున్నారు రాజమౌళి. ఈ సందర్భంగా జ్యూరీకి థ్యాంక్స్ చెబుతూ.. ఆర్ఆర్ఆర్ టీం వల్లే ఇది సాధ్యమయ్యిందని అన్నారాయన.

అనంతరం భార్య రమ, అలాగే తనయుడు కార్తికేయ దంపతులు, వదిన (కీరవాణి సతీమణి) శ్రీవల్లి, బాహుబలి నిర్మాత శోభు యార్లగడ్డతో కలిసి ఫోటోలకు ఫోజులిచ్చారు. సాంప్రదాయ వస్త్రధారణలో సరికొత్తగా కనిపించి అలరిస్తున్న జక్కన్న పిక్స్ వైరల్ అవుతున్నాయి. తెలుగు సినిమాకి మరో అరుదైన గౌరవాన్ని తెచ్చిపెట్టినందుకు జక్కన్నను అందరూ అభినందిస్తున్నారు..

S.S. Rajamouli accepting the Best Director prize from #NYFCC for #RRRMovie #SSR pic.twitter.com/RCjySbC9yk

— Matt Neglia (@NextBestPicture) January 5, 2023