పెళ్లైన వ్యక్తితో రిలేషన్.. ఇప్పుడు బెడిసికొట్టడంతో!

సినీ నటి రాధ.. సబ్ ఇన్స్పెక్టర్ తనను పెళ్లి చేసుకొని మోసం చేశారంటూ విరుగంబాక్కం పోలీస్ స్టేషన్ లో గురువారం ఫిర్యాదు చేశారు. ‘సుందర ట్రావెల్స్’ సినిమాతో నటిగా తమిళ సినీ ఇండస్ట్రీకి పరిచయమైన రాధ(38), ఎస్సై వసంత్ రాజ్ పై కంప్లైంట్ చేయడం ఇప్పుడు చర్చనీయాంశంగా మారింది. రాధ తన భర్తతో విడాకులు తీసుకున్న తరువాత తల్లి, కుమారుడితో కలిసి శాలిగ్రామంలోని నివాసం ఉంటోంది. ఆర్కే పురం పోలీస్ క్వార్టర్స్ లో నివాసం ఉంటున్న తిరువాన్మియూరు ఎస్సై వసంత్ రాజ్ తో గతంలో ఓ సినిమా షూటింగ్ సందర్భంలో పరిచయం ఏర్పడింది.

తనకు భార్య, ఇద్దరు పిల్లలు ఉన్నా.. వసంత్ రాజ్ ఎక్కువ సమయం రాధతో గడుపుతూ వచ్చాడు. ఈ విషయం తీసుకున్న వసంత్ రాజ్ భార్య గతంలో తిరువాన్మీయూరు సీఐకు ఫిర్యాదు కూడా చేశారు. అయినా.. వసంత్ రాజ్ ప్రవర్తనలో మార్పు రాలేదు. రాధ కోసం తిరువాన్మీయూరు నుంచి వడపళని పోలీసుస్టేషన్ ‌కు పోస్టింగ్‌ కూడా మార్చుకున్నాడు. ఈ సమయంలో రాధను రహస్యంగా పెళ్లి కూడా చేసుకొని జీవితాన్ని సాగిస్తున్నాడు. ఈ క్రమంలో రాధ.. వసంత్ రాజ్ ను సంప్రదించకుండా..

ఆధార్ కార్డు, గుర్తింపు కార్డులలో వసంత్ రాజ్ పేరుని భర్తగా యాడ్ చేయడం, తన కుమారుడికి తండ్రిగా అతడి పేరు నమోదు చేసింది. ఈ విషయం తెలుసుకున్న వసంత్ రాజ్ ఆమెని దూరం పెట్టాలని నిర్ణయించుకొని.. ఎన్నూరుకు పోస్టింగ్ మార్చుకున్నాడు. దీంతో రాధ పోలీస్ స్టేషన్ కు వెళ్లి మరీ గొడవ పడినట్లు తెలుస్తోంది. ఈ క్రమంలో వసంత్ రాజ్ ఆమెని బెదిరించాడట. దీంతో రాధ పోలీస్ స్టేషన్ లో అతడిపై కంప్లైంట్ ఇచ్చింది. మరి ఈ గొడవ ఇంకెక్కడి వరకు వెళ్తుందో చూడాలి!

Most Recommended Video

‘వకీల్ సాబ్ ‘ నుండీ ఆకట్టుకునే 17 పవర్ ఫుల్ డైలాగులు!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!