ఆమె కూడా శ్రీదేవిలా బాధపడాల్సివస్తుందేమో?

March 20, 2020 / 12:48 PM ISTByFilmy Focus

Join Us

ఆమె కూడా శ్రీదేవిలా బాధపడాల్సివస్తుందేమో?

బాలీవుడ్ స్టార్ హీరోయిన్ అలియా భట్ ఆర్ ఆర్ ఆర్ లో హీరోయిన్ గా నటిస్తున్న సంగతి తెలిసిందే. రాజమౌళి హీరో రామ్ చరణ్ ని అల్లూరి సీతారామ రాజుగా చూపిస్తుండగా, ఆయన ప్రేమించే అమ్మాయి సీత పాత్ర కోసం అలీయా భట్ ని తీసుకోవడం జరిగింది. అలియా భట్ ఆర్ ఆర్ ఆర్ కొరకు కొన్ని సన్నివేశాల షూటింగ్ లో పాల్గొనడం కూడా జరిగింది. కారణం ఏమో తెలియదు కానీ ఆమె ఈ ప్రాజెక్ట్ నుండి తప్పుకున్నట్లు తెలుస్తుంది. మొన్నటి వరకు ఇవి కేవలం పుకారు అని అందరూ అనుకున్నారు. ఐతే అలియా ఆర్ ఆర్ ఆర్ నుండి బయటికి వెళ్లిపోవడం అధికారికమే అని తెలుస్తుంది. ఆమె ఆర్ ఆర్ ఆర్ కొరకు డేట్స్ అడ్జస్ట్ చేయలేనని సాకు చూపి తప్పుకున్నారట. ఏప్రిల్ నుండి ఆర్ ఆర్ ఆర్ తదుపరి షెడ్యూల్ మొదలుకావాల్సివుండగా ఆమె పాల్గొనలేనని చెప్పేశారట.

ఐతే ఆర్ ఆర్ ఆర్ లాంటి ప్రాజెక్ట్ వదిలేసి ఆమె పెద్ద పొరపాటు చేశారని అందరూ అంటున్నారు. రాజమౌళి సినిమా అంటేనే రికార్డ్స్ గురించి మాట్లాడుకుంటారు. అపజయం అనే మాట ఆయన డిక్షనరీలో లేదు. దానికి తోడు ఇది భారీ పాన్ ఇండియా చిత్రం. ఇన్ని అనుకూలతలున్న ఈ చిత్రాన్ని అలియా ఎలా వదిలేసిందని అందరూ వాపోతున్నారు. బాహుబలి విషయంలో కూడా మొదట కొందరు రాజమౌళి ఇచ్చిన ఆఫర్ ని వదులుకొని తరువాత బాధపడ్డారు. దివంగత శ్రీదేవిని రమ్య కృష్ణ చేసిన శివగామి పాత్ర కోసం రాజమౌళి సంప్రదించగా ఆమె పారితోషికం కారణంగా ఈ ప్రాజెక్ట్ చేయలేదు. రమ్య కృష్ణ ఆ పాత్ర దక్కించుకొని భారీ పాపులారిటీ తెచ్చుకున్నారు. శ్రీదేవి బయట పడకపోయినా ఆ ప్రాజెక్ట్ చేయనందు చాల బాధపడ్డారు. ఇప్పుడు అలియా సైతం భవిష్యత్తులో బాదపడాల్సివస్తుందని అనిపిస్తుంది.