రామ్‌ గోపాల్‌ వర్మ, ప్రభాస్ కలసి ఒకే ఫ్రేమ్‌లో కనిపించబోతున్నారా? ఇదేం డౌటు, అయినా ఇదెక్కడ అవుతుంది అని అనుకుంటున్నారా? చాలామంది ఇవే విషయాల గురించి చర్చించుకుంటున్నారు. ఇటు సోషల్‌ మీడియాలో, అటు సినిమా మీడియాలో దీనిపైనే చర్చ జరుగుతోంది. ప్రభాస్ కొత్త సినిమాలో ఆర్జీవీ నటిస్తున్నారు అంటూ ఓ రూమర్‌ బయటికొచ్చింది. అంతేకాదు దీనికి సంబంధించిన షూటింగ్‌ కూడా అయిపోయింది అని కూడా చెబుతున్నారు. మారుతీ దర్శకత్వంలో ప్రభాస్ ఓ సినిమాలో నటిస్తున్న విషయం తెలిసిందే.
హారర్ కామెడీ జోనర్‌లో తెరకెక్కుతున్న ఈ సినిమా షూటింగ్‌ నాలుగైదు నెలలుగా జరుగుతోంది. మధ్యలో చిన్న చిన్న గ్యాప్‌లొచ్చినా ఈ సినిమాను వీలైనంత త్వరగా విడుదల చేయాలని ప్రభాస్ అండ్‌ కో. అనుకుంటున్నారు. ఈ క్రమంలో ప్రభాస్ అందుబాటులో ఉన్నప్పుడల్లా ఫుల్‌ స్పీడ్‌లో షూటింగ్‌ పూర్తి చేసేస్తున్నారు. అలా ఇటలీవల జరిగిన షెడ్యూల్‌లో వర్మ మీద సీన్స్‌ తెరకెక్కించారట.
అన్నపూర్ణ స్టూడియోలో ప్రత్యేకంగా రూపొందించిన ఓ సెట్‌లో వర్మ, ప్రభాస్ కాంబినేషన్‌ సీన్స్‌ తెరకెక్కించారట.
దీంతో వర్మతో చేయించేంత క్యారెక్టర్ ఈ సినిమాలో ఏముందబ్బా అనే చర్చ అయితే సాగుతోంది. ఈ సినిమా హారర్ నేపథ్యంలో కాబట్టి.. అలాంటి పాత్రే అయి ఉండొచ్చు అని అంటున్నారు. ఈ సినిమాకు ‘రాజా డీలక్స్‌’ అనే పేరు పెడుతున్నారు. ఆ పేరుతో ఉన్న థియేటర్‌ / లాడ్జి నేపథ్యంలో సినిమా సాగుతుంది అని సమాచారం. ఈ నేపథ్యంలో ఓ హారర్ సినిమా డైరక్టర్‌గా వర్మ కనిపిస్తారు అని అంటున్నారు. మారుతి ఇలాంటి హారర్ కామెడీ సినిమాలను బాగా తెరకెక్కిస్తారు అని పేరు.
వర్మ లాంటి డైరక్టర్‌ను యాక్టర్‌గా చూపించడానికి మరి ఆయన ఎలాంటి ప్లాన్‌ వేశారో చూడాలి. అయితే నిజంగానే ఈ సీన్స్‌ షూట్‌ చేశారా? పైనల్‌గా సినిమాలో ఉంటాయా అనేది చూడాలి. ఒకవేళ ఉంటే మాత్రం అదిరిపోతుంది అని చెప్పాలి. సినిమా రిలీజ్‌ డేట్‌ ఇంకా ఫైనల్‌ కాలేదు కాబట్టి ఇప్పుడిప్పుడే ఈ సినిమా విషయంలో క్లారిటీలు రావు అని చెప్పొచ్చు.
హీలీవుడ్‌లో నటించిన 15 మంది ఇండియన్ యాక్టర్స్ వీళ్లే..!
టాలీవుడ్‌లో గుర్తింపు తెచ్చుకున్న 10 మంది కోలీవుడ్ డైరెక్టర్స్ వీళ్లే..!
తు..తు…ఇలా చూడలేకపోతున్నాం అంటూ…బాడీ షేమింగ్ ఎదురుకున్న హీరోయిన్లు వీళ్ళే
నాగ శౌర్య నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?
Home