రామ్ చరణ్ – అల్లు అర్జున్ కాంబినేషన్లో ఓ సినిమా… ఈ మాట చాలా ఏళ్లుగా వింటూనే ఉన్నాం. ‘ఎవడు’లో కలసి నటించినా… అది మల్టీస్టారర్ అని అనలేం. దీంతో అభిమానులు అయితే మెగా పవర్ స్టార్ – ఐకాన్ స్టార్ కాంబినేషన్ గురించి చాలా ఏళ్లుగా ఎదురు చూస్తూనే ఉన్నారు. అప్పుడెప్పుడో ‘చరణ్ – అర్జున్’ అనే టైటిల్ కూడా ఫిల్మ్ ఛాంబర్లో గీతా ఆర్ట్స్ వాళ్లు రిజిస్టర్ చేయించుకున్నారని కూడా విన్నాం. అయితే ఇప్పుడు ఆ టైటిల్కి మోక్షం కలుగుతోంది అంటున్నారు.
అవును, చరణ్ – అర్జున్ కాంబినేషన్లో ఓ సినిమా రూపొందించడానికి ప్రయత్నాలు చేస్తున్నారట. ఈ మేరకు కొరటాల శివ ఓ కథ సిద్ధం చేస్తున్నారని సమాచారం. గీతా ఆర్ట్స్ బ్యానర్ మీదే ఈ సినిమా ఉంటుందని అంటున్నారు. ఇద్దరు అగ్ర హీరోల సినిమా కాబట్టి ఇది పాన్ ఇండియా రేంజి అని ప్రత్యేకంగా చెప్పక్కర్లేదు. ప్రస్తుతం కొరటాల టీమ్ అయితే ఈ కథ విషయంలో ఆలోచనలు చేస్తోందనేది మాత్రమే అప్డేట్. ఇందులో నిజానిజాలు తెలియవు కానీ… గాసిప్ అయితే యమా స్పీడ్గా పాకేస్తోంది.
ప్రస్తుతం కొరటాల శివ ఎన్టీఆర్తో ఓ సినిమా చేస్తున్నారు. త్వరలో ఈ సినిమా షూటింగ్ స్టార్ట్ చేయబోతున్నారు. ఈ సినిమా తర్వాతనే రామ్చరణ్ – అల్లు అర్జున్ సినిమా కథ మీద పూర్తి స్థాయిలో కూర్చుంటారని టాక్. 2023 ప్రారంభంలో ఈ సినిమా మొదలయ్యే అవకాశం ఉందని సమాచారం. గతంలో చరణ్కి కొరటాల శివ ఓ కథ చెప్పారని, ఆ కథనే ఇప్పుడు పూర్తిస్థాయిలో సిద్ధం చేస్తున్నారని అంటున్నారు. మరి ఇందులో ఎంతవరకు నిజముంది అనేది తెలియాలి.
అల్లు అర్జున్తో సినిమా చేయాలని కొరటాల శివ చాలా రోజులుగా ప్రయత్నాలు చేస్తున్నారు. ఆ మధ్య సినిమా అనౌన్స్ చేసినా… అది వర్కవుట్ కాలేదు. AA20 వర్కింగ్ టైటిల్తో పోస్టర్ కూడా రిలీజ్ చేశారు. దాని స్థానంలోనే కొరటాల శివ తారక్ సినిమా స్టార్ట్ చేయబోతున్నారు. చరణ్ – అర్జున్ కాన్సెప్ట్ ఓకే అయ్యి… మల్టీస్టారర్ వస్తే అంతకుమించిన ఆనందం మెగాఫ్యాన్స్కి ఏముంటుంది.
Most Recommended Video
‘భీమ్లా నాయక్’ లోని అదిరిపోయే డైలాగులు ఇవే..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
