కమర్షియల్ మూవీ అనగానే మాస్ అభిమానులను మెప్పించడానికి ఐటెం సాంగ్ ఒకటి తప్పకుండా ఉండేలా ఫిలిం మేకర్స్ చూసుకున్నారు. ఈ స్పెషల్ సాంగ్స్ లో నటిస్తే తమ ఇమేజ్ డ్యామేజ్ అవుతుందని భావించిన అప్పటి హీరోయిన్స్ ఒప్పుకునేవారు కాదు. దీంతో ఈ పాటలకు హాట్ భామలు సిద్ధమయ్యారు. జ్యోతి లక్ష్మి, జయమాలిని, సిల్క్ స్మిత, డిస్కో శాంతి.. ముమైత్ ఖాన్ .. ఇలా జాబితా పెద్దది గానే ఉంది. ఇప్పుడు ఇటువంటి వారికి టాలీవుడ్ లో స్థానం లేకుండా పోయింది. ఎందుకంటే స్టార్ హీరోయిన్స్ కాజల్, తమన్నా, శృతి హాసన్ లే ఐటెం సాంగ్స్ చేయడానికి ఒకే చెబుతున్నారు.
కలక్షన్స్ కూడా పెరుగుతుండడంతో నిర్మాతలు కొంచెం రెమ్యునరేషన్ ఎక్కువైనా ఫర్లేదని స్టార్ హీరోయిన్స్ చేత స్పెషల్ సాంగ్స్ చేయిస్తున్నారు. తాజాగా పూజా హెగ్డే కూడా ఐటెం సాంగ్ చేయడానికి సిద్ధమవుతోంది. రంగస్థలంలో చరణ్ తో స్టెప్పులు వేయడానికి రెడీ అవుతోంది. నేటి హీరోయిన్స్ జోరు చూస్తుంటే హాట్ భామలకు ఛాన్స్ ఇచ్చేట్టు కనిపించడం లేదు.
