SSMB29 కోసం భారీ బడ్జెట్.. ఆ ప్రొడ్యూసర్ ఏమన్నారంటే

ఇండియన్ సినిమా హిస్టరీలో అత్యంత భారీ బడ్జెట్‌తో రూపొందే ప్రాజెక్ట్‌లలో ఒకటిగా ముద్ర వేయనున్న ‘SSMB29’ సినిమా బడ్జెట్‌ పై తాజాగా ఒక క్లారిటీ వచ్చింది. సూపర్ స్టార్ మహేష్ బాబు (Mahesh Babu)  మరియు డైరెక్టర్ రాజమౌళి  (S. S. Rajamouli)  కాంబినేషన్‌లో రూపొందబోయే ఈ సినిమాపై ఫ్యాన్స్ భారీ అంచనాలు పెట్టుకున్నారు. ఇప్పటికే టాక్ ప్రకారం ఈ సినిమా బడ్జెట్ 1000 కోట్ల పైగానే ఉంటుందని చెప్పుకుంటున్నారు. కానీ మేకర్స్ మాత్రం అఫీషియల్ గా క్లారిటీ ఇవ్వలేదు.

SSMB29

ఇది నిజమే కాదో అని మరికొందరు ఫ్యాన్స్ కన్ఫ్యూజ్ అవుతున్నారు. ఇక సీనియర్ నిర్మాత మరియు దర్శకుడు తమ్మారెడ్డి భరద్వాజ (Bharadwaja Thammareddy) ఈ సినిమా బడ్జెట్ విషయాన్ని ఓ యూట్యూబ్ ఇంటర్వ్యూలో వెల్లడించారు. ఇండస్ట్రీలో జరిగే విషయాలపై ఆయనకు అవగాహన ఉంటుంది కాబట్టి ఫ్యాన్స్ నిజమని భావిస్తున్నారు. ఇంటర్వ్యూలో ఆయన మాట్లాడుతూ, ఈ సినిమా కోసం 1000 కోట్లకు పైగా బడ్జెట్ ఖర్చు చేయబోతున్నారని క్లారిటీ ఇచ్చేశారు. హాలీవుడ్ స్థాయి నటులు, టెక్నీషియన్స్ కూడా ఈ ప్రాజెక్టులో భాగం అవుతారు అని చెప్పారు.

2000 కోట్లకు పైగా వసూళ్లు రాబట్టాలనే లక్ష్యంతో ప్రణాళికలు రూపొందిస్తున్నారని కూడా ఆయన తెలిపారు. మహేష్ బాబు కూడా ఈ సినిమా కోసం ప్రత్యేకంగా ఫిట్‌నెస్ ట్రైనింగ్ తీసుకుంటూ తన లుక్ లో మార్పులు చేస్తున్నారు. ప్రస్తుతానికి మహేష్ బాబు మేకోవర్, రిహార్సల్స్ పై ఫోకస్ చేస్తున్నారు. మరోవైపు రాజమౌళి ఈ సినిమా కోసం ప్రత్యేకమైన లొకేషన్లను వెతికే పనిలో ఉన్నారు. ఫారెస్ట్ బ్యాక్‌డ్రాప్ లో ఈ సినిమా కథ నడవబోతుందని గతంలోనే రాజమౌళి స్పష్టం చేశారు.

సినిమాలో మహేష్ బాబు ట్రావలెర్ గా కనిపించనున్నట్లు సమాచారం. ఈ ప్రాజెక్ట్ ఎన్ని భాగాలుగా ఉంటుంది అనేది ఇంకా వెల్లడించలేదు. కానీ, ఈ సినిమా షూటింగ్ వచ్చే ఏడాది ప్రారంభంలోనే మొదలవుతుందనే టాక్ వినిపిస్తోంది. మహేష్ బాబు మొదటిసారి పాన్ వరల్డ్ స్థాయి సినిమాలో నటించబోతున్నారనే విషయం అభిమానులను ఉత్సాహంతో ఉంచుతోంది. మహేష్ బాబు ఇప్పటివరకు తెలుగులోనే సినిమాలు చేసినప్పటికీ, దేశవ్యాప్తంగా మంచి క్రేజ్ సంపాదించారు. బాలీవుడ్‌ లోకి అధికారిక ఎంట్రీ ఇవ్వకపోయినా, తన యాడ్స్ ద్వారా ప్రజాదరణ పొందారు.

 ‘స్పిరిట్’.. ప్రభాస్ మళ్ళీ ఆలస్యంగానే..!