సీనియర్ స్టార్ రైటర్ చిన్ని కృష్ణ అందరికీ సుపరిచితమే. మెగాస్టార్ చిరంజీవి నటించిన ‘ఇంద్ర’లాంటి ఇండస్ట్రీ హిట్ సినిమాకి పనిచేశారు ఆయన. మెగా ఫ్యామిలీ తో చిన్ని కృష్ణకి మంచి అనుబంధం ఉంది. చిరంజీవిని పల్లెత్తు మాట అంటే తన స్టైల్లో బుద్ధి చెప్పేవారు చిన్ని కృష్ణ. అలాంటి వ్యక్తి 2019 ఏపీ ఎన్నికల టైంలో ‘చిరంజీవి తనను ఇంటికి పిలిచి భోజనం కూడా పెట్టలేదు’ అంటూ విమర్శలు చేసి షాక్ ఇచ్చారు. దీంతో మెగా ఫ్యామిలీకి ఆయన దూరం అయ్యారు.
తర్వాత కొన్నాళ్ల పాటు కనిపించకుండా పోయిన ఆయన ఈరోజు..చిరంజీవి గురించి ఎమోషనల్ కామెంట్స్ చేసి హాట్ టాపిక్ అయ్యారు. చిరంజీవి ఇటీవల పద్మ విభూషణ్ అవార్డుకి ఎంపికైన సంగతి తెలిసిందే. ఈ నేపథ్యంలో చాలా మంది సినీ పెద్దలు చిరుని కలిసి అభినందించడం జరిగింది. ఆ లిస్ట్ లో ఇప్పుడు చిన్ని కృష్ణ కూడా చేరారు. ఆయన ఓ వీడియో ద్వారా మాట్లాడుతూ.. “అన్నయ్యకు పద్మవిభూషణ్ వచ్చిందని తెలిసి చాలా సంతోషించాను.
ఆయన్ను కలిసి శుభాకాంక్షలు తెలిపాను. ఈ భూమ్మీద పుట్టిన అందరూ అనను కానీ కొందరు తప్పులు చేస్తారు. తప్పులు మాట్లాడతారు అన్నది నగ్నసత్యం. నా మీద నమ్మకంతో నన్ను పిలిచి ‘ఇంద్ర’ సినిమా ఇచ్చిన చిరంజీవిగారిని నాకు బ్యాడ్ టైమ్ నడుస్తున్న సమయంలో పేర్లు చెప్పను కానీ కొందరి ప్రభావం, ఒత్తిడి వల్ల అన్నయ్యపై పలు వ్యాఖ్యలు చేశాను. నోటికొచ్చినట్లు మాట్లాడాను. దాని వల్ల నా భార్య, బిడ్డలు, చెల్లి, బావ, సమాజం, నా మిత్రులు నన్ను భయంకరంగా తిట్టారు.
ఆ క్షణం నుంచి ఇప్పటిదాకా భగవంతుడి ముందు, స్నేహితుల ముందు క్షమాపణ కోరుతూనే ఉన్నాను. నాలో నేను ఎంతో అంతర్మధనం చెందాను. ఈ ఇష్యూ జరిగినప్పటి నుంచి ఇప్పటిదాకా చిరంజీవి గారికి ఎదుటపడలేదు. ఆయనకు పద్మ విభూషణ్ వచ్చిందని విష్ చేయడానికి ఇంటికివెళ్తే ఆయన నన్ను రిసీవ్ చేసుకున్న విధానం, నా భార్యబిడ్డలు, వారి బాగోగులు గురించి అడిగిన తీరు చూసి నాలో నేనే బాధ పడ్డాను. ‘ఇలాంటి వ్యక్తినా నా నోటితో తప్పుగా మాట్లాడాను’ అని నా తప్పు తెలుసుకుని క్షమించమని అన్నయ్యను అడిగాను.
పెద్ద మనసుతో క్షమించి, దగ్గరకు తీసుకుని కథలు ఏమన్నా రాస్తున్నావా చిన్ని? అని ఎంతో ఆప్యాయంగా మాట్లాడారు. అన్నయ్య మనసారా మాట్లాడటమే కాకుండా ‘కలిసి పని చేద్దాం.. మంచి కథ చూడు’ అన్నారు. ఈసారి ఆయనతో పని చేసే సినిమా దేశం గర్వించేలా ఉండాలని కోరుకుంటున్నా. జరిగిన పొరపాటుకి నన్ను క్షమించండి అన్నయ్య అని ప్రాధేయపడ్డాను. మళ్లీ జన్మంటూ ఉంటే ఆయనకు సోదరుడిగా పుట్టాలని కోరుకుంటున్నారు’’ అంటూ చెప్పుకొచ్చారు (Chinni Krishna) చిన్నికృష్ణ.
‘గుంటూరు కారం’ లో ఆకట్టుకునే డైలాగులు ఇవే.!
‘గుంటూరు కారం’ తో పాటు సంక్రాంతి సీజన్ వల్ల సేఫ్ అయిన 10 సినిమాల లిస్ట్.!
2023లో అభినయంతో ఆకట్టుకున్న అందాల భామలు.!
