చిరు గెటప్ ఛేంజ్ వెనుక స్టోరీ

చిరంజీవి నిన్న ఆంగ్ల నూతన సంవత్సరం సందర్భంగా ఇంటికి విచ్చేసిన తన అభిమానులకు అభివాదం చేస్తూ దిగిన కొన్ని ఫోటోలు రచ్చ చేశాయి. మొన్నటివరకూ ‘నరసింహారెడ్డి’ గెటప్ లో ఆశ్చర్యపరిచిన చిరంజీవి ఒక్కసారిగా క్లీన్ షేవ్ లుక్ లో కనిపించేసరికి అభిమానులు కన్ఫ్యూజన్ లో ఉండగా.. కొందరు గాసిప్పు రాయుళ్ళు మాత్రం “సైరా అవుట్ పుట్ సరిగా రావట్లేదు, అందుకే కోపంతో చిరంజీవి గెడ్డం తీసేశారు” అంటూ సోల్లు కబుర్లు వార్తలుగా రాసేశారు. సినిమా యూనిట్ ఎవరూ ఆ వార్తలపై రియాక్ట్ అవ్వకపోవడంతో కొందరు నిజం అనుకొన్నారు.

కానీ.. అసలు విషయం ఏంట్రా అని ఆరా తీస్తే, ఒక షెడ్యూల్ ను ఇటీవల హైద్రాబాద్ లో పూర్తి చేసుకొన్న చిత్రబృందం మరో షెడ్యూల్ కోసం సన్నద్ధమవుతున్నారు. “సైరా నరసింహా రెడ్డి” బయోగ్రఫీ అంటే ఆయన ప్రస్థానం ఎలా మొదలైంది అనే విషయం నుంచి కథ మొదలవుతుంది. అందుకే “సైరా నరసింహా రెడ్డి” యుక్త వయసు నుంచి స్వాతంత్ర పోరాటం వరకూ అన్నిటినీ సినిమాలో చూపించనున్నారు. సో ఆ సన్నివేశాల కోసమే చిరు గెడ్డం తీసారే కానీ ప్రొజెక్ట్ పట్ల అసంతృప్తితో కాదని స్పష్టమవుతోంది. ఇక రామ్ చరణ్ దుబాయ్ లో తన డైరెక్టర్ సురేందర్ రెడ్డితో కలిసి కొత్త సంవత్సరం వేడుకలు చేసుకొంటుండడం ఈ అవాస్తాలపై నీరు జల్లింది.