టాలీవుడ్ స్టార్ డైరెక్టర్ రాజమౌళి తెరకెక్కించే ప్రతి సినిమా విషయంలో ఎంతో పర్ఫెక్ట్ గా ఉంటారనే సంగతి తెలిసిందే. క్వాలిటీ విషయంలో ఏ మాత్రం రాజీ పడని రాజమౌళి అనుకున్న స్థాయిలో ఔట్ పుట్ వచ్చేవరకు హీరోలను, ఇతర నటీనటులను టార్చర్ చేస్తారని ఇండస్ట్రీలో పేరుంది. అమరశిల్పి జక్కన్నలా సినిమాలను చెక్కుతూ ఉంటారనే కారణం వల్లే ఆయనకు జక్కన్న అనే పేరు వచ్చింది. అయితే నిన్న రిలీజైన భీమ్ పోస్టర్ మాత్రం అంచనాలను అందుకోలేక పోవడంతో జక్కన్నపై తారక్ ఫ్యాన్స్ తీవ్రస్థాయిలో ఫైర్ అయ్యారు. ఈ పోస్టర్ కంటే ఫ్యాన్ మేడ్ పోస్టర్ బాగుంటుందనే కామెంట్లు వినిపించాయి.
చరణ్ పుట్టినరోజు సందర్భంగా విడుదలైన పోస్టర్ తో పోల్చి చూస్తే తారక్ పోస్టర్ తేలిపోయిందనే చెప్పాలి. అయితే జక్కన్న ఫ్యాన్స్ మాత్రం భీమ్ పోస్టర్ ప్రేక్షకుల అంచనాలు అందుకోలేకపోవడానికి కారణాలు వేరే ఉన్నాయని అభిప్రాయడుతున్నారు. ఇప్పటికే ఆర్ఆర్ఆర్ సినిమాపై భారీగా అంచనాలు ఏర్పడగా అంచనాలు కొంతమేర తగ్గించడానికి సాధారణ పోస్టర్ ను రిలీజ్ చేశారని కొంతమంది ఫ్యాన్స్ అభిప్రాయపడుతుండగా మరి కొందరు మాత్రం లాక్ డౌన్ వల్ల పోస్టర్ ను డిజైన్ చేయించడంలో ఇబ్బందులు ఎదురయ్యాయని భావిస్తున్నారు.
భీమ్ పోస్టర్ తో జక్కన్న నిరాశపరిచినా ట్రైలర్ తో సినిమాపై ఆసక్తి పెరిగేలా చేస్తారని రాజమౌళి ఫ్యాన్స్ చెబుతున్నారు. భీమ్ పోస్టర్ తో నిరుత్సాహపడిన ఎన్టీఆర్ ఫ్యాన్స్ కు రాజమౌళి రాబోయే రోజుల్లో ఎలాంటి సర్ ప్రైజ్ లు ఇవ్వబోతున్నారో చూడాల్సి ఉంది. మరోవైపు ఆర్ఆర్ఆర్ రిలీజ్ డేట్ గురించి అనేక వార్తలు వైరల్ అవుతున్నా జక్కన్న మాత్రం అక్టోబర్ 13వ తేదీనే సినిమాను రిలీజ్ చేయడానికి ప్రయత్నాలు చేస్తున్నారని తెలుస్తోంది.
Most Recommended Video
టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!
Home