సుకుమార్ దర్శకత్వంలో ఎన్టీఆర్ నటించిన నాన్నకు ప్రేమతో సినిమా సూపర్ హిట్ అయింది. మళ్లీ ఈ కాంబినేషన్లో సినిమా రావాలని నందమూరి అభిమానులు కోరుకుంటున్నారు. సుకుమార్ కూడా ఎన్టీఆర్ కోసం గట్టిగానే ప్రయత్నిస్తున్నట్లు తెలిసింది. ఎందుకని ఆరా తీయగా అసలు విషయం బయటపడింది. ఈ స్టార్ డైరక్టర్ ‘కుమారి 21 ఎఫ్’తో నిర్మాతగా మారారు. మళ్లీ తన నిర్మాణంలో ‘దర్శకుడు’ సినిమా రూపుదిద్దుకుంది. సుకుమార్ అన్న కొడుకు అశోక్ హీరోగా పరిచయమవుతున్నారు. ‘కుమారి 21 ఎఫ్ టీజర్’ను జూనియర్ ఎన్టీఆర్ విడుదల చేశారు.
ఆ సినిమా సూపర్ హిట్టయింది. సో ఆ సెంటిమెంట్ మళ్లీ వర్కవుట్ కావాలని ‘దర్శకుడు’ టీజర్ ను విడుదల చేయమని కోరగా ఎన్టీఆర్ అందుకు ఓకే చెప్పినట్లు సమాచారం. ‘దర్శకుడు’ టీజర్ ను ఈ నెల 22న ఎన్టీఆర్ రిలీజ్ చేయనున్నారు. సుకుమార్ దగ్గర దర్శకత్వ శాఖలో పని చేసిన హరి ప్రసాద్ జక్కా తెరకెక్కించిన ‘దర్శకుడు’ మూవీ జూన్ 9న విడుదల కానుంది.
Also, do SUBSCRIBE to our YouTube channel to get latest Tollywood updates.
