Sukumar: సుకుమార్ హీరోయిన్ల పేర్లలో ఇది గమనించారా?

ఆర్య సినిమాతో దర్శకునిగా కెరీర్ ను మొదలుపెట్టిన సుకుమార్ తొలి సినిమాతోనే కమర్షియల్ సక్సెస్ ను సొంతం చేసుకున్నారు. ఈ సినిమా తర్వాత జగడం, ఆర్య2, 100% లవ్, 1 నేనొక్కడినే, నాన్నకు ప్రేమతో, రంగస్థలం సినిమాలకు సుకుమార్ దర్శకత్వం వహించారు. ప్రస్తుతం ఈ డైరెక్టర్ పుష్ప సినిమాకు దర్శకత్వం వహిస్తున్నారు. అయితే సుకుమార్ కు లక్ష్మి అనే పేరు అంటే చాలా ఇష్టమని సుకుమార్ మెజారిటీ సినిమాలలో హీరోయిన్ కు లక్ష్మి అనే పేరు ఉండేలా చూసుకున్నారని ఆయన సినిమాల్లోని హీరోయిన్ల పేర్లను పరిశీలిస్తే అర్థమవుతోంది.

జగడం సినిమాలో హీరోయిన్ పాత్ర పేరు సుబ్బలక్ష్మి కాగా 100% లవ్ సినిమాలో హీరోయిన్ పాత్ర పేరు మహాలక్ష్మి రంగస్థలంలో హీరోయిన్ పాత్ర పేరు రామలక్ష్మి కావడం గమనార్హం. పుష్ప సినిమాలో రష్మిక పాత్ర పేరు కూడా లక్ష్మి అనే పేరుతో లింక్ అయ్యి ఉంటుందని సుకుమార్ ఫ్యాన్స్ భావిస్తున్నారు. సుకుమార్ ఇతర సినిమాల్లో హీరోయిన్ల పాత్రలు మరీ క్లాస్ పాత్రలు కావడంతో ఆ సినిమాల్లో మాత్రం సుకుమార్ గీత, సమీరా, దివ్యాంక కృష్ణమూర్తి అని హీరోయిన్ల పాత్రలకు పేర్లు పెట్టారు.

సుకుమార్ స్పందించి వివరణ ఇస్తే మాత్రమే లక్ష్మి పేరు ఎక్కువగా పెట్టడానికి సంబంధించిన స్పష్టత వచ్చే అవకాశం ఉంది. మరోవైపు పుష్ప సినిమాలో బన్నీని కొత్తగా చూపిస్తున్న సుకుమార్ ఈ మధ్య కాలంలో మాస్ సినిమాలను ఎక్కువగా తెరకెక్కిస్తుండటం గమనార్హం. రంగస్థలంను మించి పుష్ప సక్సెస్ సాధిస్తుందని బన్నీ ఫ్యాన్స్ భావిస్తుండగా సీనియర్ నటి ఈ సినిమాలో కీలక పాత్రలో నటిస్తారని ఆ నటికి సంబంధించి పుష్ప పార్ట్1 క్లైమాక్స్ లో ట్విస్ట్ ఉంటుందని ప్రచారం జరుగుతోంది.

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!