టాలీవుడ్ స్టార్ డైరెక్టర్ సుకుమార్ ( Sukumar) గురించి ప్రత్యేక పరిచయం అవసరం లేదు. ‘ఆర్య’ (Arya)’రంగస్థలం’ (Rangasthalam) ‘పుష్ప’ (Pushpa) వంటి సినిమాలతో పాన్ ఇండియా దర్శకుడిగా ఎదిగాడు. మరోపక్క నిర్మాతగా కూడా మారి ‘కుమారి 21 ఎఫ్’ (Kumari 21F) ‘ఉప్పెన’ (Uppena) ‘విరూపాక్ష’ (Virupaksha) వంటి బ్లాక్ బస్టర్ సినిమాలు అందిస్తున్నాడు.
ఇక సుకుమార్ (Sukumar) భార్య తబిత కూడా అందరికీ సుపరిచితమే. ఈమె కూడా నిర్మాతగా మారి ‘మారుతీ నగర్ సుబ్రహ్మణ్యం’ (Maruthi Nagar Subramanyam) అనే సినిమాను నిర్మించింది. 2009 జూన్ 12 న సుకుమార్ -తబిత..ల వివాహం జరిగింది. వీరికి ఇద్దరు పిల్లలు. ఒక పాప, ఒక బాబు. పాప పేరు సుకృతి. ‘గాంధీ తాత చెట్టు’ (Gandhi Tatha Chettu) సినిమాతో ఈమె నటిగా ఎంట్రీ ఇచ్చింది. ఇక బాబు పేరు సుక్రాంత్.
ఇదిలా ఉండగా.. నేడు సుకుమార్ (Sukumar) – తబిత దంపతుల 16వ పెళ్లిరోజు ని ఘనంగా సెలబ్రేట్ చేసుకున్నారు. ఇందుకు సంబంధించిన ఫోటోలు తన సోషల్ మీడియాలో షేర్ చేసిన తబిత.. ‘గడిచిన 16 ఏళ్లలో ఎన్నో మధుర జ్ఞాపకాలు ఉన్నాయి. మా మధ్య ప్రేమ కూడా పెరుగుతూనే వచ్చింది.
ఈ ప్రయాణంలో మేము కలిసుండేలా దీవిస్తున్నందుకు ఆ దేవుడికి పెద్ద థాంక్స్. మేము ఎప్పటికీ ఇలాగే సంతోషంగా ఉంటామని నమ్ముతున్నాము’ అంటూ తమ ఇద్దరు పిల్లలతో దిగిన ఫోటోలను షేర్ చేసింది తబిత. ప్రస్తుతం ఈ ఫోటోలు వైరల్ గా మారాయి. తబిత ఫాలోవర్స్ ఆమెకు పెళ్లి రోజు శుభాకాంక్షలు చెబుతూ.. కామెంట్లు పెడుతున్నారు. మీరు కూడా ఈ ఫోటోలు ఒక లుక్కేయండి :
