బన్నీ తరువాత సుకుమార్ మెగాస్టార్ తో మూవీ లైన్ లో పెడతాడట?

మెగా హీరో అల్లు అర్జున్ హీరోగా వచ్చిన ఆర్య సినిమాతో దర్శకుడిగా కెరీర్ ప్రారంభించిన సుకుమార్ మరో మెగా హీరో చరణ్ నటించిన రంగస్థలం చిత్రంతో ఇండస్ట్రీ హిట్ అందుకున్నారు. ఇప్పటి వరకు సుకుమార్ ఏడు సినిమాలకు దర్శకత్వం వహించగా అందులో మూడు సినిమాలు మెగా హీరోలతో చేసినవే. బన్నీ తో ఆర్య, ఆర్య 2 చేసిన సుకుమార్ చరణ్ తో రంగస్థలం చేశారు. ఇక ఆయన ఎనిమిదవ చిత్రం కూడా బన్నీతో చేస్తున్నాడు. బన్నీ 20వ చిత్రంగా తెరకెక్కుతున్న ఈ మూవీ ప్రస్తుతం చిత్రీకరణ జరుపుకుంటుంది. కాగా ఈ చిత్రం తరువాత సుకుమార్ చేసే మరో చిత్రం కూడా మెగా హీరోతోనే అని తెలుస్తుంది.

మలయాళ సూపర్ స్టార్ మోహన్ లాల్ నటించిన పొలిటికల్ థ్రిల్లర్ లూసిఫర్ చిత్రాన్ని తెలుగులో మెగాస్టార్ చేయాలని భావిస్తున్నారు. ఈ చిత్ర తెలుగు రీమేక్ హక్కులు కూడా హీరో రామ్ చరణ్ దక్కించుకున్నారు. దీనికి సంబంధించిన స్క్రిప్ట్ సిద్ధం చేసే పనిలో సుకుమార్ ఉన్నారట. కాబట్టి లూసిఫర్ తెలుగు రీమేక్ కి సుకుమార్ దర్శకత్వం వహించనున్నాడంటూ టాలీవుడ్ లో ఓ వార్త వినిపిస్తుంది. బన్నీతో మూవీ పూర్తయిన అనంతరం ఈ స్క్రిప్ట్ సిద్ధం చేసి మెగాస్టార్ తో మూవీ మొదలుపెడతాడట సుకుమార్. ఇదే కనుక జరిగితే సుకుమార్ వరుసగా మూడు చిత్రాలు మెగా హీరోలతో చేసినట్లవుతుంది. ఇక చిరంజీవి ప్రస్తుతం కొరటాల శివ తెరకెక్కిస్తున్న చిత్ర షూటింగ్ లో పాల్గొంటున్నాడు.

Most Recommended Video

జాను సినిమా రివ్యూ & రేటింగ్!
సవారి సినిమా రివ్యూ & రేటింగ్!