సుక్కు నిర్మాణంలో యంగ్ హీరో!

వ‌రుస హిట్ల‌తో దూసుకుపోతున్నాడు శ‌ర్వానంద్‌. మెల్లిమెల్లిగా క‌మ‌ర్షియ‌ల్ హీరోగా రూపాంత‌రం చెందుతున్నాడు. దాంతో నిర్మాత‌లు శ‌ర్వా చుట్టూ తిరుగుతున్నారు. తాజాగా సుకుమార్ కూడా శ‌ర్వానంద్‌తో ఓ మూవీ ప్లాన్ చేస్తున్న‌ట్టు స‌మాచారం. అయితే.. ద‌ర్శ‌కుడిగా కాదు. నిర్మాత‌గానే.

సుకుమార్ రైటింగ్స్ బ్యాన‌ర్‌పై సుకుమార్‌.. కుమారి 21 ఎఫ్‌ని నిర్మించాడు. ఆ సినిమా హిట్ట‌యి సుకుమార్‌కి లాభాల్ని తీసుకొచ్చింది. ఇప్పుడు అదే న‌మ్మ‌కంతో మ‌రో సినిమా ప్లాన్ చేస్తున్నాడు సుక్కు. ఈసారీ సూర్య ప్ర‌తాప్ కే ద‌ర్శ‌క‌త్వ బాధ్య‌త‌లు అప్ప‌గించాడ‌ట‌. ఈ చిత్రానికి క‌థ‌, మాట‌లు, స్ర్కీన్ ప్లే ఈ మూడూ.. సుకుమారే అందిస్తున్నాడ‌ని తెలుస్తోంది. త్వ‌ర‌లోనే పూర్తి వివ‌రాలు బ‌య‌ట‌కు వ‌స్తాయి.