ప్రస్తుతం త్రివిక్రమ్.. అల్లు అర్జున్ తో ఓ చిత్రాన్ని తెరకెక్కిస్తున్నాడు. 2020 సంక్రాంతి కానుకగా ఈ చిత్రం విడుదల కానుంది. ‘హారిక అండ్ హాసిని’ మరియు ‘గీత ఆర్ట్స్’ సంస్థలు కలిసి ఈ చిత్రాన్ని నిర్మిస్తున్నాయి. పూజా హెగ్డే మెయిన్ హీరోయిన్ గా నటిస్తుండగా నివేదా పేతురేజ్ కూడా మరో హీరోయిన్ గా నటిస్తుంది. సుశాంత్, నవదీప్ కూడా ఈ చిత్రంలో కీలక పాత్రలు పోషిస్తున్నారు. అయితే త్రివిక్రమ్ బెస్ట్ ఫ్రెండ్ అయిన సునీల్ కూడా ఈ చిత్రంలో ఓ ముఖ్యమైన పాత్రను సునీల్ చేయబోతున్నట్టు మొన్నటి వరకూ వార్తలు వచ్చాయి.
‘అరవింద సమేత’ చిత్రంలో సునీల్ పాత్రని చాలా తగ్గించడం కారణంగా రీ ఎంట్రీలో.. తనకి రావలసిన గుర్తింపు అయితే రాలేదు. అందువలన బన్నీ సినిమాలో సునీల్ కోసం ఓ మంచి పాత్రను త్రివిక్రమ్ క్రియేట్ చేశాడని టాక్ నడిచింది. కానీ తాజా సమాచారం ప్రకారం ఆ ప్రచారంలో నిజం లేదని తెలుస్తుంది. మొదట ఈ చిత్రంలో రావు రమేశ్ .. సునీల్ కాంబినేషన్లో కొన్ని సీన్స్ అనుకున్నారట. కానీ కొన్ని కారణాల వల్ల ఈ ప్రాజెక్టు నుండీ రావు రమేశ్ తప్పుకోవడంతో… ఆ ప్లేస్ లోకి హర్షవర్ధన్ వచ్చి చేరాడు. ఈ క్రమంలో ఆ సందర్భానికి తగినట్టు కొన్ని మార్పులు చేసాడంట త్రివిక్రమ్. దీంతో సునీల్ పాత్ర లేపేశాడట. సునీల్ కి .. అలాగే తన అభిమానులకి ఇది నిరాశను కలిగించే వార్తే అనడంలో సందేహం లేదు.
