సన్నీ లియోన్, మంచు విష్ణుల సరదా వీడియోల పరంపరలో మరో కొత్త వీడియో బయటకు వచ్చింది. మొన్నీ మధ్య శివబాలాజీతో కలసి విష్ణు, సన్నీ లియోన్ కాసేపు బాటిల్ గేమ్ ఆడుకున్నారు. ఆ వీడియో బాగా వైరల్ అయ్యింది. ఈ క్రమంలో సన్నీ లియోన్ మరో వీడియో రిలీజ్ చేసింది. ‘దీనెక్క భలే ఉంది… అదిరిపోయింది’ అంటూ సన్నీ లియోన్ పరాఠాలు చేసిన వీడియో రిలీజ్ చేశారు. ‘గాలి నాగేశ్వరరావు’ అనే సినిమా కోసం మంచు విష్ణు సినిమాలో సన్నీ లియోన్ కీలక పాత్రలో నటిస్తున్న విషయం తెలిసిందే.
ఈ సినిమా షూటింగ్ గ్యాప్లో సన్నీ లియోన్ పరాఠాలు చేసింది. ఈ మొత్తం ప్రాసెస్ను ఓ వ్యక్తి రికార్డ్ చేయగా, పక్కనే మంచు విష్ణు ఉంటూ రన్నింగ్ కామెంట్రీ ఇచ్చారు. వీడియోలో ఆ సందడి మొత్తం చూడొచ్చు. ఏంటీ సన్నీ లియోన్కి వంట చేయడం వచ్చా? అని అడుగుతారా? ఈ దిగువ వీడియో చూడండి మీకే తెలిసిపోతుంది. సన్నీ లియోన్ చేసిన పరాఠాల కోసం ముద్దను నేను కలిపాను అంటూ విష్ణు తన కండలు చూపిస్తూ చెప్పాడు మంచు విష్ణు. ఓవైపు సన్నీ పరాఠాలు చేస్తుంటే…
మరోవైపు విష్ణు ఆమెతో జోక్లు వేస్తూ పులిహోర కలిపే ప్రయత్నం చేశాడు. ఈ విషయాలను కూడా మీరు వీడియోలు చూడొచ్చు. దాంతోపాటు పరోఠాలను రుచి చూసి బాగున్నాయి అని కూడా చెప్పారు. తెలుగు రానివారు ఎవరైనా వంట బాగుంది అని చెప్పడానికి ‘దీనెక్క భలే ఉంది… అదిరిపోయింది’ అనండి అని చెప్పాడు విష్ణు. పనిలోపనిగా ఈ మాటల్ని సన్నీకి నేర్పించాడు కూడా. ‘గాలి నాగేశ్వరరావు’ కోసం ప్రస్తుతం విష్ణు, సన్నీ లియోన్, మరో కథానాయికగా నటిస్తున్న పాయల్ రాజ్పుత్పై కీలక సన్నివేశాలు చిత్రీకరిస్తున్నారు.
దర్శకుడు జి. నాగేశ్వరరరెడ్డి మూల కథ అందించగా, కోన వెంకట్ కథ, స్క్రీన్ ప్లే అందిస్తున్నారు. ఈషాన్ సూర్య దర్శకత్వం వహిస్తున్నాడు. ఈ సినిమా వచ్చేలోగా ఇలాంటి సరదా వీడియోలు చాలానే చూస్తామేమో.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
తెలుగులో అత్యధిక థియేట్రికల్ బిజినెస్ చేసిన సినిమాల లిస్ట్..!
‘ఆర్.ఆర్.ఆర్’ తో పాటు బాక్సాఫీస్ వద్ద భారీ లాభాలను అందించిన 10 సినిమాల లిస్ట్..!
