Mahesh Babu: సూపర్ స్టార్ మహేష్ బాబుకు సొంతమైన రేర్ ఫీట్స్ ఇవే!

ఈరోజు సూపర్ స్టార్ మహేష్ బాబు (Mahesh Babu) పుట్టినరోజు కావడంతో మహేష్ పుట్టినరోజును అభిమానులు గ్రాండ్ గా జరుపుకుంటున్నారు. సూపర్ స్టార్ మహేష్ బాబు సినీ కెరీర్ లో ఎన్నో బ్లాక్ బస్టర్ హిట్లు ఉన్నాయి. మహేష్ బాబు నేడు తన 49వ పుట్టినరోజు వేడుకలను జరుపుకుంటుండగా ఆయనకు సంబంధించిన కీలక విషయాలు నెట్టింట తెగ వైరల్ అవుతున్నాయి. మహేష్ బాబు నాలుగేళ్లకే నీడ సినిమాతో తెరంగేట్రం చేశారు. బాల నటుడిగా ఎనిమిది సినిమాలలో నటించిన మహేష్ బాబు ఆ సినిమాలలో మెజారిటీ సినిమాలతో విజయాలను అందుకున్నారు.

Mahesh Babu

రాజకుమారుడు (Rajakumarudu) సినిమాతో హీరోగా కెరీర్ ను మొదలుపెట్టిన మహేష్ బాబు తొలి సినిమాతోనే సక్సెస్ అందుకున్నారు. ఎక్కువ సంఖ్యలో యాడ్స్ లో నటించిన టాలీవుడ్ స్టార్ హీరో మహేష్ బాబు అని చెప్పడంలో ఎలాంటి సందేహం అక్కర్లేదు. 2002 నుంచి 2006 వరకు మహేష్ బాబు వరుసగా ఐదేళ్లు నంది అవార్డులు అందుకున్నారు. యూట్యూబ్ లో 200 మిలియన్లకు పైగా వ్యూస్ ను సొంతం చేసుకున్న తొలి తెలుగు మూవీ మహేష్ బాబు శ్రీమంతుడు (Srimanthudu) కావడం గమనార్హం.

జల్సా (Jalsa) , బాద్ షా (Baadshah) , ఆచార్య  (Acharya) మరికొన్ని సినిమాలకు మహేష్ బాబు వాయిస్ ఓవర్ ఇచ్చారు. సినీ కెరీర్ లో రీమేక్ లకు దూరంగా ఉన్న మహేష్ ప్రస్తుతం రాజమౌళి డైరెక్షన్ లో ఒక సినిమాలో నటిస్తున్నారు. తన సినిమాలలో మహేష్ బాబుకు మురారి (Murari) , ఒక్కడు (Okkadu) , పోకిరి (Pokiri) , దూకుడు (Dookudu) , శ్రీమంతుడు  సినిమాలు అంటే ఇష్టమని తెలుస్తోంది.

సింగపూర్ మేడమ్ టుస్సాడ్స్ లో కొలువైన తెలుగు హీరో తొలి మైనపు విగ్రహం సూపర్ స్టార్ మహేష్ బాబుదే కావడం గమనార్హం. ఫేస్ బుక్, ట్విట్టర్, ఇన్ స్టాగ్రామ్ లో వేర్వేరుగా కోటి కంటే ఎక్కువ ఫాలోవర్లు ఉన్న హీరో మహేష్ బాబు కావడం కొసమెరుపు. గుండె సంబంధిత సమస్యలతో బాధ పడుతున్న వేల సంఖ్యలో చిన్నారులకు మహేష్ బాబు ఉచితంగా ఆపరేషన్లు చేయించారు.

పొలిటికల్‌ డైరక్టర్‌ కొత్త సినిమాకు అంతా రెడీ.. ‘హీరో’యిన్‌ ఆమెనే!