Mahi V Raghav: పొలిటికల్‌ డైరక్టర్‌ కొత్త సినిమాకు అంతా రెడీ.. ‘హీరో’యిన్‌ ఆమెనే!

చేసినవి కొన్ని సినిమాలే అయినా.. డిఫరెంట్‌ స్టైల్‌ టేకింగ్‌ మెప్పించే ప్రయత్నం చేశారు మహి.వి.రాఘవ్‌ (Mahi V Raghav) . అయితే ఆ తర్వాత ఆయన పొలిటికల్‌ టచ్‌ ఉన్న సినిమాలవైపు వెళ్లిపోవడంతో పరిస్థితి మారిపోయింది. అందరివాడుగా ఉన్న ఆయన కొందరివాడుగా మారిపోయారు. అయితే ఇప్పుడు తిరిగి తన జోనర్‌లోకి వచ్చే ప్రయత్నం చేస్తున్నారు. తాజాగా ఆయన తన కొత్త సినిమాకు సర్వం సిద్ధం చేసుకుంటున్నారని సమాచారం. ‘పాఠశాల’ అనే రోడ్ ట్రిప్‌ సినిమాతో తొలి ప్రయత్నంలోనే అభిరుచి ఉన్న దర్శకుడిగా పేరు తెచ్చుకున్నారు మహి.వి.రాఘవ్‌.

Mahi V Raghav

ఆ తర్వాత హారర్‌ కామెడీ జోనర్‌లో ‘ఆనందో బ్రహ్మ’ అనే సినిమా చేసి మంచి వసూళ్లు కూడా అందుకున్నారు. ఇప్పుడు తన రెగ్యులర్‌ సినిమాల సైడ్‌కి రావడానికి ఆ సినిమా సీక్వెల్‌నే ఎంచుకున్నారు అని అంటున్నారు. తాప్సి ప్రధాన పాత్రలో వచ్చిన ఆ సినిమాకు సీక్వెల్‌ త్వరలో అనౌన్స్‌ చేస్తారట. ‘ఆనందో బ్రహ్మ’ సినిమా చేసే సమయానికి తాప్సి (Taapsee Pannu) టాలీవుడ్ స్టార్ హీరోయిన్. అయితే ఇప్పుడు ఆమె బాలీవుడ్‌లో కూడా రాణిస్తోంది.

ఈ నేపథ్యంలో ఈ సీక్వెల్‌ కూడా పాన్‌ ఇండియా రేంజిలో ఉంటుంది అని చెబుతున్నారు. మరి యాక్టర్ల ఎంపిక విషయంలో మహి. వి. రాఘవ్‌ ఎలాంటి ఆలోచన చేస్తారేమో చూడాలి. తొలి పార్టులో ఉన్న కమెడియన్లను తీసుకొని అదే మ్యాజిక్‌ రిపీట్‌ చేస్తారో? లేక కొత్త వాళ్లను తీసుకుంటారో చూడాలి. మరోవైపు మహి ‘సేవ్‌ ది టైగర్స్‌’ (Save the Tigers) వెబ్‌ సిరీస్ మూడో సీజన్‌కి కూడా సిద్ధమవుతున్నారట.

ఇప్పటికే వచ్చిన రెండు సీజన్లకు మంచి స్పందనే వచ్చింది. ఈ నేపథ్యంలో మూడో సీజన్‌పై కూడా భారీ అంచనాలు ఉన్నాయి. ‘ఆనందో బ్రహ్మ’ పార్ట్‌ 2.. ఈ వెబ్‌ సిరీస్‌ను ఒకేసారి హ్యాండిల్‌ చేస్తారు అని సమాచారం. త్వరలోనే ఈ విషయాల్లో స్పష్టత వస్తుంది అని చెబుతున్నారు.

హరీశ్‌ శంకర్‌ను ఆ సినిమా చేయద్దంటూ నెటిజన్ల రిక్వెస్ట్‌.. కానీ చేశాక..