Surekha Vani: ”ఛాన్స్ వస్తే పవన్ కి వంద ముద్దులు ఇస్తా”

క్యారెక్టర్ ఆర్టిస్ట్ గా ఎన్నో సినిమాల్లో నటించిన సురేఖా వాణి తన నటనతో మంచి గుర్తింపు తెచ్చుకుంది. సోషల్ మీడియాలో ఈమె చాలా యాక్టివ్ గా ఉంటుంది. ఎప్పటికప్పుడు తనకు సంబంధించిన ఫోటోలను షేర్ చేస్తూ సందడి చేస్తుంటుంది. తాజాగా ‘అలీతో సరదాగా’ షోకి గెస్ట్ గా వచ్చిన సురేఖావాణి తన లైఫ్, కెరీర్ ఇలా చాలా విషయాలను బయటపెట్టింది. చాలా ఏళ్లుగా అలీ ఈ షోకి వ్యాఖ్యాతగా వ్యవహరిస్తున్నారు.

గెస్ట్ ల నుండి కీలక సమాచారం రాబడుతూ షోని రక్తి కట్టిస్తుంటారు. అలానే సురేఖావాణికి సంబంధించిన విషయాలను కూడా రాబట్టారు. చిరంజీవి గారిని మొదటిసారి చూసినప్పుడు మీరు ఏడ్చేశారట.. నిజమేనా..? అని సురేఖావాణిని ప్రశ్నించాడు అలీ. దానికి ఆమె అవునని సమాధానమిచ్చింది. అదేంటో.. ఆయన్ని చూడగానే పట పటా కన్నీళ్లు వచ్చేశాయని.. అలా ఏడుస్తుంటే చిరంజీవి తన దగ్గరకి వచ్చి.. ఎందుకు ఏడుస్తున్నావ్..? ఏడవకు అంటూ హగ్ చేసుకున్నారని చెప్పింది. ఒక్కోసారి గుడిలోకి వెళ్లినప్పుడు దేవుడిని చూస్తే ఏడుపొస్తుందని.. అలానే చిరంజీవి గారి చూసేసరికి ఏడుపొచ్చిందని చెప్పుకొచ్చింది.

చిరంజీవి గారితో కలిసి ‘స్టాలిన్’ సినిమాలో నటించానని.. ఆ తరువాత ఓ రోజు ఆయన పర్సనల్ గా పిలిచి తనతో మాట్లాడారని సురేఖావాణి తెలిపింది. ఆ తరువాత అలీ అడిగిన ఫన్నీ ప్రశ్నలకు సురేఖా ఓపెన్ గా సమాధానాలిచ్చింది. ఈ క్రమంలో ఆమెని ‘100 ముద్దులు ఇవ్వాలనుకునే హీరో ఎవరైనా ఉన్నారా..?’ అని ప్రశ్నించగా.. ఆమె వెంటనే పవన్ కళ్యాణ్ అని చెప్పింది.

Most Recommended Video

థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!