Suriya: సూపర్ హీరో ట్రెండ్ లో సూర్య.. నెవ్వర్ బిఫోర్ కాన్సెప్ట్!

తమిళ స్టార్ హీరో సూర్య (Suriya), ప్రతిసారి తన సినిమాల ఎంపికతో ఆకట్టుకునేలా ఉంటారు. ప్రతి కథలో ఒక కొత్త కోణం చూపించేందుకు ప్రయత్నించే సూర్య, ఇప్పుడు సరికొత్త ప్రయోగానికి సిద్ధమవుతున్నారు. తాజాగా సూపర్ హీరో క్యారెక్టర్‌లో సూర్య కనిపించబోతున్నారని, దీనిపై సినీ వర్గాల్లో చర్చలు జరుగుతున్నాయి. ఈ ప్రాజెక్ట్‌కు మిన్నల్ మురళి ఫేమ్ బాసిల్ జోసెఫ్  (Basil Joseph) దర్శకత్వం వహించబోతున్నారని సమాచారం. ఈ వార్తలు ప్రస్తుతం కోలీవుడ్‌తో పాటు ఇతర ఇండస్ట్రీల్లోనూ హాట్ టాపిక్‌గా మారాయి.

Suriya

సూర్యకు విభిన్న పాత్రలు పోషించడం కొత్తేమీ కాదు. ఫిజికల్ ట్రాన్స్‌ఫర్మేషన్‌తో పాటు, పాత్రలకు తన చరిష్మా కలిపి సినిమాను మరో స్థాయికి తీసుకెళ్లగల సత్తా ఆయనది. మిన్నల్ మురళితో ప్రేక్షకులను ఆకట్టుకున్న బాసిల్ జోసెఫ్, సూర్యతో కలసి మరింత గ్రాండ్‌గా, ఇంటర్నేషనల్ లెవెల్ సూపర్ హీరో సినిమాను తీసుకురావడానికి సిద్ధమవుతున్నారట. ఈ ప్రాజెక్ట్‌ గురించి పూర్తి వివరాలు తెలియాల్సి ఉన్నా, కథను డిఫరెంట్ కోణంలో చెప్పడానికి బాసిల్ ప్రత్యేకమైన స్క్రిప్ట్ వర్క్ చేస్తున్నట్టు సమాచారం.

మిన్నల్ మురళిలో బాసిల్ చూపించిన కొత్త యాంగిల్ సూపర్ హీరో సినిమాలపై ప్రేక్షకుల అభిరుచిని మరింత పెంచింది. ఇప్పుడు అదే ట్రెండ్‌ను కొనసాగిస్తూ సూర్యతో డిఫరెంట్ కాన్సెప్ట్‌ను తెరపైకి తీసుకురాబోతున్నారు. ఇలాంటి సూపర్ హీరో కాన్సెప్ట్‌లు తెలుగు, తమిళ్‌తో పాటు పాన్ ఇండియా స్థాయిలో హిట్ అయ్యే అవకాశాలు ఉంటాయి. సూర్య నటన, బాసిల్ విజువల్ ట్రీట్‌ సినిమాకు అదనపు బలంగా నిలవడం ఖాయం.

ఇప్పటి వరకు సూర్య “గజిని” “సూరరై పొట్రు” “7th సేన్స్” (7aum Arivu) వంటి సినిమాలతో తన నటనా నైపుణ్యాన్ని నిరూపించారు. ఇప్పుడు సూపర్ హీరోగా సూర్య స్క్రీన్‌పై కనిపిస్తే, అది సౌత్ సినిమాకు కొత్త మార్గాన్ని సృష్టించే అవకాశాలు ఉన్నాయి. ఈ ప్రాజెక్ట్‌తో సూర్య తన అభిమానులకు ప్రేక్షకులకు మరోసారి సూపర్ సర్‌ప్రైజ్ ఇవ్వబోతున్నారనే నమ్మకం ఉంది.

సేఫ్ గేమ్ మొదలుపెట్టిన వెంకీ మామ.. ఏమైందంటే..!