Swayambhu: ఒక్క ఫైట్ కోసమే రూ.15 కోట్లా?

‘కార్తికేయ-2’తో పాన్ ఇండియా రేంజ్‌లో సత్తా చాటిన నిఖిల్, ఇప్పుడు తన మార్కెట్‌ను నెక్స్ట్ లెవెల్‌కి తీసుకెళ్లే పనిలో ఉన్నాడు. ప్రస్తుతం ఈ హ్యాండ్సమ్ హీరో నటిస్తున్న ప్రతిష్టాత్మక చిత్రం ‘స్వయంభు’(Swayambhu). ఈ సినిమా బడ్జెట్, మేకింగ్ స్టాండర్డ్స్ గురించి ఇప్పుడు ఇండస్ట్రీలో ఒక క్రేజీ న్యూస్ చక్కర్లు కొడుతోంది. ఈ సమ్మర్‌లో రిలీజ్‌కి రెడీ అవుతున్న ఈ సినిమా విశేషాలు ఇప్పుడు చూద్దాం.

Swayambhu

ఇన్‌సైడ్ వర్గాల సమాచారం ప్రకారం, ‘స్వయంభూ’ కోసం నిర్మాతలు దాదాపు రూ.80 కోట్లు ఖర్చు చేస్తున్నారట. ఇందులో మైండ్ బ్లోయింగ్ విషయం ఏంటంటే.. కేవలం క్లైమాక్స్ ఎపిసోడ్ కోసమే దాదాపు రూ. 15 కోట్లు కేటాయించారని తెలుస్తోంది. సినిమా మొత్తానికి ఈ యాక్షన్ సీక్వెన్స్ హైలైట్‌గా నిలవనుందట. ఒక మిడ్ రేంజ్ హీరో సినిమా క్లైమాక్స్ కోసం ఈ రేంజ్ బడ్జెట్ పెట్టడం అంటే సామాన్యమైన విషయం కాదు.

నిఖిల్ ఈ మధ్య తన కథలకు డివైన్ టచ్ ఇవ్వడాన్ని సెంటిమెంట్‌గా ఫాలో అవుతున్నాడు. ‘స్వయంభూ’ ఒక వీరుడి కథ అయినా, దీనికి పురాణాల రిఫరెన్స్ ఉందట. ముఖ్యంగా ఆ 15 కోట్లు ఖర్చు పెట్టిన క్లైమాక్స్ ఫైట్.. రామాయణంలోని ఒక యుద్ధ ఘట్టం ఆధారంగా డిజైన్ చేశారని టాక్. అందుకే విజువల్స్ పరంగా ఎక్కడా కాంప్రమైజ్ కాకుండా మేకర్స్ ఖర్చు చేస్తున్నారు.

ఈ సినిమాకు మేజర్ ప్లస్ పాయింట్ సెంథిల్ కుమార్ సినిమాటోగ్రఫీ. ‘బాహుబలి’, ‘ఆర్ఆర్ఆర్’ లాంటి సినిమాలకు పనిచేసిన సెంథిల్.. లార్జర్ దాన్ లైఫ్ విజువల్స్ చూపించడంలో దిట్ట. ఆయన మార్క్ ఈ సినిమాలో, ముఖ్యంగా క్లైమాక్స్‌లో క్లియర్‌గా కనిపిస్తుందట. ఇక ఆడియెన్స్‌కి బెస్ట్ ఎక్స్‌పీరియన్స్ ఇవ్వడానికి సినిమాను 3D ఫార్మాట్‌లో రిలీజ్ చేస్తున్నారు.

రెగ్యులర్ 2Dలో షూట్ చేసి, పోస్ట్ ప్రొడక్షన్‌లో క్వాలిటీ 3D కన్వర్షన్ చేస్తున్నారు.మరి ఈ భారీ విజువల్ వండర్ బాక్సాఫీస్ దగ్గర ఏ రేంజ్ మ్యాజిక్ చేస్తుందో చూడాలి.

‘జై హనుమాన్’ మూవీ షూటింగ్ కి లైన్ క్లియర్.. అతి త్వరలోనే సెట్స్ పైకి !