మెగాస్టార్ చిరంజీవి 151 వ చిత్రంగా సురేందర్ రెడ్డి డైరెక్షన్లో తెరకెక్కిన చిత్రం ‘సైరా నరసింహారెడ్డి’. ‘కొణిదెల ప్రొడక్షన్ కంపెనీ’ బ్యానర్ పై రాంచరణ్ నిర్మించిన ఈ చిత్రం అక్టోబర్ 2 న విడుదలై సూపర్ హిట్ టాక్ ను సొంతం చేసుకుంది. ‘ఉయ్యాలవాడ నరసింహారెడ్డి’ పాత్రకి మెగాస్టార్ వందకు వంద శాతం న్యాయం చేశారు అనడంలో ఎటువంటి సందేహం లేదు. ఇక రత్నవేలు సినిమాటోగ్రఫీ, ఇంటర్వెల్ బ్లాక్, క్లైమాక్స్ బ్లాక్.. అద్భుతంగా వచ్చింది అని ప్రేక్షకులు కామెంట్స్ చేస్తున్నారు. మొదటి రోజు తెలుగు రాష్ట్రాల్లో ఈ చిత్రం అద్భుతమైన కలెక్షన్లను రాబట్టింది. ఇక నాలుగు, ఐదు రోజులలో కూడా ‘సైరా’ అదిరిపోయే కలెక్షన్లను రాబట్టింది.
ఇక ‘సైరా నరసింహారెడ్డి’ ఐదు రోజుల ఏరియా వైజ్ కలెక్షన్ల వివరాలు ఈ విధంగా ఉన్నాయి :
| నైజాం | 17.86 cr |
| సీడెడ్ | 11.61 cr |
| ఉత్తరాంధ్ర | 7.83 cr |
| ఈస్ట్ | 6.61 cr |
| వెస్ట్ | 5.18 cr |
| కృష్ణా | 5.39 cr |
| గుంటూరు | 7.38 cr |
| నెల్లూరు | 3.10 cr |
| ఏపీ + తెలంగాణ | 64.96 cr |
| రెస్ట్ అఫ్ ఇండియా | 13.80 cr |
| ఓవర్సీస్ | 10.50 cr |
| వరల్డ్ వైడ్ (టోటల్) | 89.26 cr (షేర్) |
‘సైరా నరసింహారెడ్డి’ చిత్రానికి 200 కోట్ల థియేట్రికల్ బిజినెస్ జరిగింది. ఈ చిత్రం బ్రేక్ ఈవెన్ కావాలంటే 200 కోట్ల వరకూ షేర్ ను రాబట్టాల్సి ఉంది. ఐదు రోజులకు గాను ఈ చిత్రానికి 89.26 కోట్ల షేర్ ను రాబట్టింది. అంటే ఇంకా ఈ చిత్రానికి 111 కోట్ల షేర్ వరకూ రాబట్టాల్సి ఉంది. తెలుగు రాష్ట్రాల్లో ఈ చిత్రం అద్భుతంగా కలెక్ట్ చేస్తుంది. అందులో ఎటువంటి సందేహం లేదు. కానీ ఓవర్సీస్ , హిందీ,తమిళ, మలయాళం వంటి ఇతర భాషల్లో ఈ చిత్రం పెర్ఫార్మన్స్ చాలా వీక్ గా ఉన్నాయి. కన్నడంలో కాస్త పర్వాలేదు అనిపిస్తుంది. ‘వార్’ ‘జోకర్’ వంటి సినిమాల ప్రభావం కూడా ‘సైరా’ పై గట్టిగానే పడిందని చెప్పాలి. అయితే దసరా సెలవు ప్రభావంతో ఈ చిత్రం 100 కోట్ల షేర్ మార్క్ దాటే అవకాశం పుష్కలంగా ఉంది అనడంలో సందేహం లేదు.
సైరా నరసింహారెడ్డి చిత్రంలోని పవర్ ఫుల్ డైలాగ్స్
సైరా సినిమా రివ్యూ & రేటింగ్!
