రామ్ చరణ్ సెట్స్ లో చిరంజీవి సినిమా షూటింగ్ .!

హెడ్డింగ్ చూసి ఆల్రెడీ విడుదలై నెలన్నర కావస్తున్న మరియు అమేజాన్ లో స్ట్రీమింగ్ అవుతున్న “రంగస్థలం”లో సైరా నరసింహా రెడ్డి ఏమిటి అని కన్ఫ్యూజ్ అవ్వకండి. “సైరా నరసింహా రెడ్డి” ప్రస్తుతం “రంగస్థలం”లో ఉన్న మాట వాస్తవమే కానీ ఇక్కడ మేటర్ ఏంటంటే.. మనం మాట్లాడుకుంటున్నది “రంగస్థలం” సినిమా గురించి కాదు ఆ సినిమా కోసం వేసిన సెట్ గురించి.

హైద్రాబాద్ లోని “బూత్ బంగ్లా”లో “రంగస్థలం” కోసం క్రియేట్ చేసిన “రంగస్థలం” విలేజ్ సెట్ లో ఇప్పటీఏ చాలా సినిమా చిత్రీకరణ జరిగింది. ఇప్పుడు “సైరా నరసింహారెడ్డి” షూటింగ్ కూడా జరుగుతోంది. ఇవాళ నుంచి మొదలైన తాజా షెడ్యూల్ లో చిరంజీవితోపాటు తమన్నా కూడా పాల్గొననుంది. తమన్నా ఆల్రెడీ నిన్నే హైద్రాబాద్ వచ్చేసింది. ఈ చిత్రంలో తమన్నా “సైరా నరసింహా రెడ్డి” ప్రేయసిగా నటించనుంది. సురేందర్ రెడ్డి దర్శకత్వంలో తెరకెక్కుతున్న ఈ చిత్రాన్ని రామ్ చరణ్ నిర్మిస్తుండగా.. అమితాబ్ బచ్చన్ కీలకపాత్ర పోషిస్తుండడం విశేషం.