క్యారెక్టర్ ఆర్టిస్ట్ గా ఇండస్ట్రీలోకి అడుగుపెట్టిన సత్యదేవ్ మెల్లగా.. హీరోగా అవకాశాలు సంపాదించుకున్నారు. చాలా సినిమాల్లో హీరోగా నటించారు. ‘బ్లఫ్ మాస్టర్’ సినిమా అతడికి మంచి పేరు తీసుకొచ్చింది. ఆ తరువాత కొన్ని సినిమాలు చేసినప్పటికీ ఏవీ పెద్దగా వర్కవుట్ కాలేదు. ఓ పక్క తమన్నాతో కలిసి నటించిన ‘గుర్తుందా శీతాకాలం’ సినిమా విడుదలకు నానా కష్టాలు పడుతుంది. కారణమేంటో తెలియదు కానీ సినిమా వాయిదాల మీద వాయిదా పడుతూనే ఉంది.
రీసెంట్ గా అతడి నుంచి వచ్చిన ‘గాడ్సే’ సినిమా డిజాస్టర్ అయింది. ‘కృష్ణమ్మ’ సినిమా షూటింగ్ పూర్తి చేసుకొని రిలీజ్ డేట్ కోసం ఎదురుచూస్తుంది. ఇప్పుడు సత్యదేవ్ నుంచి రెండు సినిమాలు ఒకే నెలలో రిలీజ్ కాబోతున్నాయి. ముందుగా అక్టోబర్ 5న ‘గాడ్ ఫాదర్’ సినిమా రిలీజ్ కానుంది. ఇందులో నెగెటివ్ షేడ్స్ ఉన్న క్యారెక్టర్ లో నటించారు సత్యదేవ్. చిరంజీవిని ఢీ కొట్టే ఛాలెంజింగ్ క్యారెక్టర్ లో ఆయన కనిపించనున్నారు.
కొన్ని సన్నివేశాలలో చిరంజీవిని ఎదిరించే డైలాగులు కూడా ఉన్నాయి. వాటికి చాలా పేరొస్తుందని నమ్ముతున్నారు. ఈ సినిమా గనుక క్లిక్స్ అయితే సత్యదేవ్ కి క్రేజ్ వస్తుంది. పైగా ఈ సినిమాను హిందీలో కూడా రిలీజ్ చేస్తున్నారు కాబట్టి హిట్ అయితే ఆటోమేటిక్ గా అవకాశాలు పెరుగుతాయి. ఈ సినిమాతో పాటు సత్యదేవ్ ‘రామ్ సేతు’ అనే మరో సినిమాలో నటించారు. ఇదొక బాలీవుడ్ ఫిలిం. అక్షయ్ కుమార్ హీరోగా రూపొందించిన ఈ విజువల్ ఫాంటసీ అక్టోబర్ 25న విడుదల కానుంది.
విజువల్ ఫాంటసీ బ్యాక్ డ్రాప్ తో అయోధ్య రాముడి సెంటిమెంట్ ని టచ్ చేస్తూ.. ఈ సినిమాను తెరకెక్కించారు. ఈ సినిమాలో సత్యదేవ్ కీలకపాత్ర పోషిస్తున్నారు. రీసెంట్ గా విడుదలైన సినిమా టీజర్ ఆకట్టుకునే విధంగా ఉంది. ఈ రెండు సినిమాలు గనుక క్లిక్స్ అయితే హిందీలో సత్యదేవ్ కి మార్కెట్ ఏర్పడడం గ్యారెంటీ.
Most Recommended Video
అల్లూరి సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ ఇనయ సుల్తానా గురించి ఆసక్తికర విషయాలు..!
‘బిగ్ బాస్6’ కంటెస్టెంట్ అభినయ శ్రీ గురించి 10 ఆసక్తికరమైన విషయాలు..!
