‘కన్నప్ప’ (Kannappa) సినిమా గురించి మంచు కుటుంబం చాలా ఏళ్లుగా చెబుతూనే ఉంది. సినిమా అలా ఉండబోతోంది, ఇలా ఉండబోతోంది అంటూ చెబుతూనే ఉన్నారు. అనుకున్నట్లే ఆ సినిమాను ఎంతో ప్రతిష్ఠాత్మకంగా ప్రారంభించారు కూడా. ఈ క్రమంలో స్టార్‌ హీరోలు, స్టార్‌ హీరోయిన్లు, స్టార్‌ నటీనటులను సినిమాలో భాగం చేస్తున్నారు. అలా ఇప్పుడు చాలామంది ఈ సినిమాలో ఉన్నారు అని అంటున్నారు. కొంతమంది యాక్ట్‌ చేసి పని పూర్తి చేసుకున్నారు కూడా. మరికొందరు వచ్చే లిస్ట్‌లో ఉన్నారు.
లేటెస్ట్‌గా ఈ లిస్ట్‌లో తమన్నా (Tamannaah) కూడా వచ్చి చేరింది. ఆమె ఈ సినిమాలో ఓ ప్రత్యేక గీతంలో నటిస్తోంది అని సమాచారం. ‘కన్నప్ప’ సినిమాలో స్పెషల్‌ సాంగ్‌ ఏంటి? అని అనుకుంటున్నారా? రాజుల దగ్గర రాజనర్తకి పాత్రలా ఆమె పాత్ర ఉండొచ్చు అని అంటున్నారు. అన్నీ అనుకున్నట్లుగా జరిగితే త్వరలో ఆమె సినిమా సెట్స్‌లోకి ఎంటర్‌ అవుతుంది అని అంటున్నారు. ఆమె సెట్స్‌లో అడుగుపెడితే టీమ్‌ అఫీషియల్‌గా ఓ వీడియో రిలీజ్‌ చేస్తుంది.
ఇప్పటికే ఈ సినిమాలో చాలామంది నటించారు అని ముందే చెప్పుకున్నాం. అయితే గతంలో చెప్పినట్లు ప్రభాస్‌ (Prabhas) – నయనతార (Nayanthara) ఈ సినిమాలో నటించడం లేదు అంటున్నారు. శివపార్వతులుగా వాళ్లిద్దరూ కనిపిస్తారు అని అప్పట్లో చెప్పినా ఆ తర్వాత శివునిగా అక్షయ్‌ కుమార్‌ (Akshay Kumar) వచ్చి నటించారు. అలాగే పార్వతి పాత్రలో కాజల్‌ అగర్వాల్‌ (Kajal Aggarwal) నటించొచ్చు అని వార్తలొచ్చాయి. ఇప్పుడు తమన్నా కూడా వచ్చేస్తోంది. దీంతో ఈ సినిమా స్పాన్‌ ఇంకా ఇంకా పెరుగుతూనే ఉంది.
దేశంలోని అన్ని భాషల సినిమా పరిశ్రమల నుండి నటుల్ని ఈ సినిమాలో భాగంగ చేయాలని మంచు వారి ప్లాన్‌. ఇప్పటికే మోహన్‌లాల్‌ (Mohanlal) , శివరాజ్‌ కుమార్‌ (Shiva Rajkumar) , శరత్‌కుమార్‌ (R. Sarathkumar) లాంటి వాళ్లు సినిమాలో భాగమయ్యారు. వీళ్లే కాకుండా టాలీవుడ్‌ నుండి కూడా మరికొంతమంది నటిస్తారు అని చెబుతున్నారు. వాళ్లెవరు, సినిమా ఎప్పటికి పూర్తవుతుంది, ఎప్పుడు రిలీజ్‌ అవుతుంది అనే వివరాలు త్వరలో తెలియొచ్చు.
