Tamanna: చిరంజీవి గారు తమన్ అంటూ పిలిచేవారు: తమన్నా

టాలీవుడ్ ఇండస్ట్రీలో మిల్క్ బ్యూటీగా ఎంతో మంచి గుర్తింపు సంపాదించుకున్నటువంటి తమన్న త్వరలోనే మెగాస్టార్ చిరంజీవి సరసన నటించిన భోళా శంకర్ సినిమా ద్వారా ప్రేక్షకుల ముందుకు రావడానికి సిద్ధమయ్యారు. ఈ సినిమా ఆగస్టు 11వ తేదీవిడుదల కానున్న నేపథ్యంలో భారీగా ప్రమోషన్ కార్యక్రమాలను నిర్వహిస్తున్నారు. ఈ క్రమంలోనే ఈ సినిమా నుంచి మిల్క్ బ్యూటీ అనే పాటను మ్యూజిక్ డైరెక్టర్ తమన్ చేతుల మీదుగా విడుదల చేశారు.

ఇక ఈ సాంగ్ లాంచ్ కార్యక్రమంలో భాగంగా తమన్నా (Tamanna) మ్యూజిక్ డైరెక్టర్ తమన్ గురించి మాట్లాడుతూ చేసినటువంటి కామెంట్స్ ప్రస్తుతం వైరల్ అవుతున్నాయి. ఈ సందర్భంగా తమన్నా మాట్లాడుతూ మీరు నాలో సగభాగం అంటూ షాకింగ్ కామెంట్స్ చేశారు. ఇలా తమన్ గురించి తమన్నా ఇలా మాట్లాడటానికి కారణం ఏంటి అనే విషయానికి వస్తే… ఇద్దరి పేర్లు ఒకే విధంగా ఉండడంతో తమన్నా ఇలా మాట్లాడారని అర్థం అవుతుంది.

అంతేకాకుండా మెగాస్టార్ చిరంజీవి గారు షూటింగ్ లోకేషన్ లో కనుక ఉంటే తనని ఎప్పుడు చూడు తమన్ అని మాత్రమే పిలిచేవారని తెలిపారు. అలా పిలవడం వల్ల మీరు అక్కడే ఉన్నారన్న భావన మా అందరికీ కలిగేదని తమన్నా వెల్లడించారు. ఇకపోతే తనకు మిల్క్ బ్యూటీ అనే బిరుదు ఉన్న విషయం మనకు తెలిసిందే.

తాను ఇండస్ట్రీలోకి వచ్చి ఇన్ని సంవత్సరాలు అవుతున్న ఇప్పటివరకు ఎవరు కూడా ఇలా తన బిరుదు పై పాటలు రాయలేదు కానీ ఈ సినిమాలో మిల్క్ బ్యూటీ అంటూ పాట రావడం నిజంగా తనకు సంతోషాన్ని కలిగించిందని తెలిపారు. అయితే నాకు ఎందుకు ఈ బిరుదు ఇచ్చారనేది మాత్రం ఇప్పటివరకు అర్థం కాలేదంటూ తమన్నా చేసిన కామెంట్స్ వైరల్ అవుతున్నాయి.

హిడింబ సినిమా రివ్యూ & రేటింగ్!

అన్నపూర్ణ ఫోటో స్టూడియో సినిమా రివ్యూ & రేటింగ్!
హత్య సినిమా రివ్యూ & రేటింగ్!