గోపీచంద్ – సంప‌త్‌నంది కాంబినేష‌న్‌లో ఓ చిత్రం తెర‌కెక్కుతున్న సంగ‌తి తెలిసిందే. స్ర్కిప్టు ప‌నులు పూర్త‌య్యాయి. వ‌చ్చే నెల‌లో సెట్స్‌పైకి వెళ్ల‌నుంది. ఈలోగా క‌థానాయిక‌ల్ని కూడా ఎంపిక చేసేసుకొన్నారు. హ‌న్సిక, కేథ‌రిన్ ఇప్ప‌టికే క‌థానాయిక‌లుగా ఫిక్స్ అయ్యారు. ఓ ప్ర‌త్యేక గీతం కోసం త‌మ‌న్నాని ట్రై చేస్తున్నార‌ని, స్పెష‌ల్ సాంగ్ కోసం త‌మ‌న్నాకు రూ.50 ల‌క్ష‌ల పారితోషికం ఆఫ‌ర్ చేశార‌ని వార్త‌లు వినిపించాయి. సంప‌త్ నందికి తమన్నా అంటే సెంటిమెంట్.
ర‌చ్చ, బెంగాల్ టైగ‌ర్‌ల‌లో త‌మ‌న్నానే క‌థానాయిక‌గా న‌టించింది. ఆ సెంటిమెంట్ తోనే సంప‌త్ నంది.. తమన్నా కోసం ఐటెమ్ సాంగ్ సెట్ చేశార‌ని చెప్పుకొన్నారు. అయితే చిత్ర‌బృందం మాత్రం ఈ విష‌యాన్ని ఖండించింది. తమన్నా ని పాట కోసం ఎంపిక చేసుకొన్నామ‌న్న మాట లో వాస్త‌వం లేద‌ని, అదంతా గాసిప్ అని చెబుతున్నారు. ఐటెమ్ సాంగ్ అనే ఆలోచ‌న ఇప్ప‌టి వ‌ర‌కూ రాలేద‌ట. సో… తమన్నా ఎంట్రీ అనేది గాసిప్పే అన్న‌మాట.
Home