పెళ్లి గోల వల్ల మీడియాపై హీరోయిన్ల సెటైర్

స్వీటీ అనుష్క పెళ్లిని మీడియా అనేక సార్లు చేసేసింది. కాజల్ పెళ్లి అయిపోయినట్లు కూడా అనేకసార్లు ప్రసారం చేశాయి. అంతెందుకు మెగా డాటర్ నిహారిక పెళ్లి డేట్ ని కూడా ఫిక్స్ చేశారు. దీనిపై నిహారిక ఖండించడమే కాదు.. వ్యంగ్యంగా వీడియో చేశారు. ఇలా తెలుగు సినిమా పరిశ్రమలో ఉన్న హీరోయిన్స్ పెళ్లిపై మీడియా ఎక్కువగా ఆసక్తి కనబరుస్తోంది. తాజాగా తమన్నా, తాప్సి లకు పెళ్లి అయిపోయినట్టు ఊదరగొడుతున్నాయి. ఈ వార్తలపై హీరోయిన్లు అసహనం వ్యక్తం చేశారు. తన పెళ్లి వార్తలపై మిల్కీ బ్యూటీ ఆగ్రహం వ్యక్తం చేసింది. “ఓసారి యాక్టర్ అన్నారు. తర్వాత క్రికెటర్ అన్నారు. ఇప్పుడు డాక్టర్ అంటున్నారు.

మీ వాలకం చూస్తుంటే నేను భర్త కోసం షాపింగ్ చేస్తున్నట్టుంది. నేనే కాదు, మా పేరెంట్స్ కూడా పెళ్లికొడుకు కోసం వెతకడం లేదు. సినిమాలతో బిజీగా ఉన్నాను. పెళ్లి చేసుకుంటే అందరికీ చెప్పే చేసుకుంటా. అప్పటివరకూ మీ ఊహలతో నాకు పెళ్లి చేయకండి” అని గట్టిగానే చెప్పారు. తమన్నా క్లాస్ తీసుకుంటే తాప్సి మాత్రం సెటైర్ వేసింది. తన ఎంగేజ్‌మెంట్‌ డేట్ ఫిక్స్ చేసిన గాసిప్ రాయుళ్ల గురించి మాట్లాడుతూ… “నా ఎంగేజ్‌మెంట్‌కి నన్నూ పిలవండి” అని తాప్సి సెటైర్ వేసింది. సో తాప్సి, తమన్నాలు ఇప్పట్లో పెళ్లి చేసుకోవడలేదని స్పష్టమయింది.