మంచు లక్ష్మీ రేంజ్ లో తమన్నా సక్సెస్ అవుతుందా?

టాలీవుడ్ కు ఎంట్రీ ఇచ్చి 15 ఏళ్ళు పైనే అవుతున్నా ఇంకా సక్సెస్ ఫుల్ గా రాణిస్తూనే ఉంది తమన్నా. అడపా దడపా మీడియం రేంజ్ హీరోల సినిమాల్లోనూ అలాగే సీనియర్ స్టార్ హీరోల సినిమాల్లోనూ అవకాశాలు దక్కించుకుంటూ ముందుకు సాగుతుంది. అంతేకాదు స్పెషల్ సాంగ్స్ లో కూడా తమన్నా తన డ్యాన్స్ లతో ప్రేక్షకులను మరింత గా అలరిస్తుంది. అయితే తమన్నా ఎనర్జీ లెవల్స్ ను క్యాష్ చేసుకోవాలని స్టార్ ప్రొడ్యూసర్ అల్లు అరవింద్ భావిస్తున్నారట.

అందుకే తమన్నాతో తన ‘ఆహా’ డిజిటల్ ప్లాట్ ఫామ్లో టాక్ షోలు నిర్వహించాలని అల్లు అరవింద్ ప్లాన్ చేస్తున్నారట. ఈ లాక్ డౌన్ టైంలో ‘ఆహా’ ప్లాట్ కు మంచి డిమాండ్ ఏర్పడింది. తెలుగు వెబ్ సిరీస్ కంటెంట్ ఇందులో చాలా ఉంది. ఇప్పుడు తమన్నా లాంటి క్రేజీ హీరోయిన్ తో టాక్ షోలు నిర్వహిస్తే.. ‘ఆహా’ కు మరింత ఆదరణ పెరుగుతుందనేది అల్లు అరవింద్ ఉద్దేశం కావచ్చు. ఇదిలా ఉండగా.. చరణ్, రవితేజ వంటి హీరోలతో మొదట ఈ షో లను ప్రారంభించాలని ఆయన భావిస్తున్నాడట.

అయితే టాక్ షో లు అనగానే.. అందరికీ మంచు లక్ష్మినే గుర్తొస్తుంది. ప్రతీ హీరోతో బాగా ఇంటరాక్ట్ అయ్యి.. స్పాంటేనియస్ గా క్వశ్చన్ లు అడగడంలో మంచు లక్ష్మి ఎక్స్పర్ట్ అనే చెప్పాలి. అయితే తమన్నా ఆ స్థాయిలో మెప్పిస్తుందా అనేది పెద్ద ప్రశ్న. ఎందుకంటే తమన్నాకు ఇలాంటి ఎక్స్ పీరియన్స్ లేదు. పైగా తమన్నా కు అంత స్పాంటేనిటీ కూడా ఉండదు. అందుకే తమన్నా.. మంచు లక్ష్మీ రేంజ్లో మెప్పిస్తుందా అనే డిస్కషన్లు జరుగుతున్నాయి.

Most Recommended Video

కృష్ణ అండ్ హిజ్ లీల సినిమా రివ్యూ & రేటింగ్
పెంగ్విన్ సినిమా రివ్యూ & రేటింగ్!
టాలీవుడ్ లో అత్యధిక నష్టాలు మిగిల్చిన పది చిత్రాలు ఇవే