తారక్ నెక్స్ట్ మూవీ ఆ డైరక్టర్ తోనే !!

జనతా గ్యారేజ్ సినిమా తర్వాత యంగ్ టైగర్ ఎన్టీఆర్ చేయనున్న సినిమాపై ఇంకా సస్పెన్స్ కొనసాగుతోంది. కొరటాల శివతో సినిమా చేస్తున్నప్పుడే రచయిత వక్కంతు వంశీ కథను ఒకే చేసిన తారక్, తర్వాత అతన్ని పక్కన పెట్టారు. కొన్నిరోజులగా పూరి జగన్నాథ్ తో కలిసి మూవీ చేయనున్నట్లు వార్తలు వినిపించాయి. ఇజం మూవీ ఫలితాన్ని చూసిన ఎన్టీఆర్ ఇప్పుడు పూరితో సాహసం వద్దనుకున్నట్లు తెలిసింది. తాజాగా తారక్ దర్శకుల జాబితాలో కొత్త పేరు వినిపిస్తోంది. అతనెవరో కాదు.. కార్తికేయ సినిమాతో వెలుగులోకి వచ్చిన చందూ మొండేటి.

తొలి సినిమాతో పరిశ్రమ దృష్టిని తనవైపు తిప్పుకున్న చందు.. లేటెస్ట్ గా ప్రేమమ్ మూవీతో టాక్ ఆఫ్ టాలీవుడ్ గా మారారు. మలయాళంలో సూపర్ హిట్ సాధించిన ప్రేమమ్ ని రీమేక్ చేయడంలో పూర్తిగా సక్సస్ సాధించారు. ప్రస్తుతం అతనితో సినిమా చేసేందుకు ఎన్టీఆర్ ఆసక్తిగా ఉన్నట్లు సమాచారం. చందు కూడా యంగ్ టైగర్ కి సూటయ్యే స్క్రిప్ట్ ను రాసే పనిలో బిజీగా ఉన్నట్లు ఫిల్మ్ నగర్ వాసులు చెబుతున్నారు. మరి వీరిద్దరి కాంబినేషన్లో సినిమా సెట్స్ పైకి వెళుతుందో, లేదో.. కొన్ని రోజుల్లో తెలియనుంది.