పెళ్లి చూపులు దర్శకుడికి బంపర్ ఆఫర్

చిన్న చిత్రంగా విడుదలైన “పెళ్లిచూపులు” భారీ హిట్ అందుకుంది. కోటి రూపాయలతో రాజ్‌ కందుకూరి, ఎస్‌. రంగినేని నిర్మించిన ఈ సినిమా 16 కోట్లకు పైనే వసూళ్లను రాబట్టింది. విజ‌య్ దేవ‌ర‌కొండ, రీతూ వర్మ హీరో హీరోయిన్లుగా నటించిన ఈ మూవీ 50 రోజులను పూర్తి చేసుకొని దూసుకుపోతోంది. డైరక్టర్ తరుణ్ భాస్కర్ తెరకెక్కించిన ఈ మూవీ తెలుగు రాష్ట్రాల్లోనే కాకుండా ఓవ‌ర్ సీస్ లో కూడా రికార్డ్ స్ధాయి క‌లెక్ష‌న్స్ వ‌సూలు చేసింది.

సామాన్యులనే కాకుండా సినీ ప్రముఖులను సైతం ఆకట్టుకుంది. అంతే కాదు ఆఫర్లను తెచ్చి పెట్టింది.  “పెళ్లిచూపులు” సినిమాను చూసిన కింగ్ నాగార్జున డైరక్టర్ తరుణ్ భాస్కర్ ని ప్రశంసలతో ముంచెత్తాడు. తన వద్దకు పిలిపించుకుని తమతో సినిమా చేయమని కోరారు. ఈ విష‌యాన్ని స్వ‌యంగా నాగార్జునే మీడియాకి తెలిపారు. “త‌రుణ్ భాస్క‌ర్ తో మాట్లాడాను. సినిమా చేయమన్నాను. అయితే ఆ చిత్రం నాతోనా?  చైత‌న్య‌, అఖిల్ తోనా అనేది తెలియదు. కాక‌పోతే అన్న‌పూర్ణ స్టూడియోస్ బ్యాన‌ర్ లో త‌రుణ్ భాస్క‌ర్ తో సినిమా ఉంటుంది.” అని వివరించారు. అక్కినేని ఫ్యామిలీతో సినిమా తీసి హిట్ కొట్టాడంటే త‌రుణ్ భాస్క‌ర్ స్టార్ డైరక్టర్ల జాబితాలో చేరిపోతాడు