Hanu Man: స్టార్ హీరోల సినిమాల కంటే హనుమాన్ కే ఎక్కువ రేటింగ్.. ఎంతో తెలుసా?

తేజ సజ్జా (Teja Sajja) ప్రశాంత్ వర్మ (Prasanth Varma) కాంబినేషన్ లో తెరకెక్కిన హనుమాన్ (Hanu Man) మూవీ బుల్లితెరపై, ఓటీటీలో అదరగొట్టిన సంగతి తెలిసిందే. ఈ సినిమా థియేటర్లలో 330 కోట్ల రూపాయల కలెక్షన్లను సొంతం చేసుకోగా జీ5 ఓటీటీలో రికార్డ్ స్థాయిలో వ్యూస్ ను సొంతం చేసుకోవడం గమనార్హం. పదిరోజుల క్రితం ఈ సినిమా జీ తెలుగు ఛానల్ లో ప్రసారమైంది. ఈ సినిమాకు బుల్లితెరపై రికార్డ్ స్థాయిలో రేటింగ్ రావడం గమనార్హం. ఈ ఏడాది బుల్లితెరపై ప్రసారమైన సినిమాలలో ఆదికేశవ (Aadikeshava) తర్వాత భారీ రేటింగ్ ను ఈ సినిమా సొంతం చేసుకుంది.

ఈ సినిమాకు బుల్లితెరపై 10.26 రేటింగ్ వచ్చింది. హనుమాన్ మూవీ బుల్లితెరపై మంచి రేటింగ్ ను సొంతం చేసుకోవడం ఫ్యాన్స్ కు మరింత సంతోషాన్ని కలిగించింది. హనుమాన్ మూవీ సక్సెస్ సాధించడంతో ఈ సినిమా సీక్వెల్ జై హనుమాన్ పై కూడా అంచనాలు పెరుగుతున్నాయి. హనుమాన్ సినిమా విడుదలై దాదాపుగా 4 నెలలు అవుతున్నా ఈ సినిమా సంచలనాలు కొనసాగుతూ ఉండటం ఫ్యాన్స్ కు మరింత సంతోషాన్ని కలిగిస్తోంది.

హనుమాన్ సినిమా పరిమిత బడ్జెట్ తో తెరకెక్కి బిజినెస్ పరంగా కూడా అదరగొట్టింది. హనుమాన్ సెకండ్ టెలీకాస్ట్, థర్డ్ టెలీకాస్ట్ లో కూడా రేటింగ్స్ పరంగా సంచలనాలు సృష్టించాలని సినీ అభిమానులు ఫీలవుతున్నారు. హనుమాన్ మూవీ సక్సెస్ ఈ సినిమాకు పని చేసిన ప్రతి ఒక్కరికీ మంచి పేరును తెచ్చిపెట్టింది.

తేజ సజ్జా ప్రస్తుతం మిరాయ్ (Mirai) సినిమాతో బిజీగా ఉండగా ప్రశాంత్ వర్మ జై హనుమాన్ తో పాటు మరికొన్ని క్రేజీ ప్రాజెక్ట్ లతో బిజీ అవుతున్నారు. ప్రశాంత్ వర్మ ప్రతిభకు ఆలస్యంగా గుర్తింపు దక్కిందని నెటిజన్లు కామెంట్లు చేస్తున్నారు. టాలీవుడ్ స్టార్స్ ఛాన్స్ ఇస్తే ప్రశాంత్ వర్మ బాక్సాఫీస్ వద్ద మరిన్ని అద్భుతాలు చేయడం గ్యారంటీ అని చెప్పవచ్చు.