మరో మల్టీస్టారర్ సినిమాకి సన్నాహాలు.!

మెగాస్టార్ చిరంజీవి, మాస్ మహారాజ్ రవితేజ ఇద్దరు కలిసి అన్నయ్య సినిమాలో కలిసి నటించారు. రవితేజ చిరుకు తమ్ముడిగా నటించిన ఈ చిత్రం భారీ కలక్షన్స్ రాబట్టింది. అప్పుడు రవితేజ్ స్టార్ హీరో కాలేదు. ఇప్పుడు తెలుగు స్టార్ హీరోల్లో ఒకరిగా ఎదిగారు. అయినా చిరు తో కలిసి నటించడానికి రవితేజ గ్రీన్ సిగ్నల్ ఇచ్చినట్లు తెలిసింది. ప్రస్తుతం రవితేజ కళ్యాణ్ కృష్ణ దర్శకత్వంలో “నేల టికెట్” సినిమా చేస్తున్నారు. దీని తర్వాత శ్రీను వైట్ల దర్శకత్వంలో “అమర్ అక్బర్ ఆంటోనీ” చేయనున్నారు. అమెరికాలో షూటింగ్ జరుపుకుంటున్న ఈ సినిమా యూనిట్ తో రవితేజ త్వరలోనే కలవనున్నారు. ఇక మెగాస్టార్ చిరంజీవి విషయానికి వస్తే సురేందర్ రెడ్డి దర్శకత్వంలో సైరా నరసింహ రెడ్డి సినిమా చేస్తున్నారు. ఈ సినిమా పూర్తి అయ్యే వరకు ఏ సినిమాకి చిరు సైన్ చేసే ఆలోచన పెట్టుకోలేదు.

అయితే కాస్త తీరిక సమయంలో కథలు వింటున్నట్టు తెలిసింది. రంగస్థలంతో తన కొడుకు రామ్ చరణ్ కి బ్లాక్ బస్టర్ హిట్ ఇచ్చిన సుకుమార్ దర్శకత్వంలో నటించడానికి చిరు ఆసక్తి కనబరుస్తున్నారు. అందుకే అతను చెప్పిన కథకి ఒకే చెప్పారు. అయితే ఇందులో ఓ ప్రధాన పాత్ర ఉంది. ఆ రోల్ కి రవితేజ ని అడిగితే… అతను సంతోషంగా ఒకే చెప్పినట్లు సమాచారం. ఈ చిత్రాన్ని భారీ బడ్జెట్ తో నిర్మించడానికి మైత్రి మూవీ మేకర్స్ వారు సిద్ధంగా ఉన్నారు. అంత సక్రమంగా జరిగితే సైరా తర్వాత చిరు చేయబోయే ప్రాజెక్ట్ ఇదే అవుతుంది.