మలయాళ మ్యూజిక్ డైరక్టర్ స్థానంలో తమన్

సూపర్ స్టార్ మహేష్ బాబు సినిమాలకు తమన్ అద్భుత పాటలను అందించారు. దూకుడు, బిజినెస్ మ్యాన్, ఆగడు చిత్రాల్లోని సాంగ్స్ యువతను ఉర్రూతలూగించాయి. ఇప్పుడు మరోసారి ప్రిన్స్ కోసం తమన్ స్వరాలను సమకూర్చనున్నారు. ప్రస్తుతం సూపర్ స్టార్, కమర్షియల్ డైరెక్టర్ మురుగదాస్ దర్శకత్వంలో యాక్షన్ సినిమా చేస్తున్నారు. ఏకకాలంలో తెలుగు, తమిళ భాషల్లో తెరకెక్కుతున్న ఈ మూవీ ఇప్పటికే 60 శాతానికి పైగా షూటింగ్ పూర్తి చేసుకుంది. దీని తర్వాత హిట్ డైరెక్టర్ కొరటాల శివ దర్శకత్వంలో పనిచేయనున్నారు.

ఆ చిత్రానికి రాక్ స్టార్ దేవీ శ్రీ ప్రసాద్ ఫిక్స్ అయ్యారు. ఆ తర్వాత  పీవీపీ సంస్థ ప్రిన్స్ తో ఓ సినిమా చేయనుంది. వంశీ పైడిపల్లి డైరక్షన్లో తెరకెక్కనున్న ఈ ఫిల్మ్ కి తొలుత మలయాళ సంగీత దర్శకుడు  గోపిసుందర్ ని తీసుకున్నారు. ఇప్పుడు ఆ ప్లేస్ లో తమన్ వచ్చినట్లు తెలిసింది. ప్రిన్స్ కి మూవీ పనిచేస్తున్నానని తమన్ సోషల్ మీడియాలో చెప్పారు. కానీ అది వంశీ మూవీకేనా అనే విషయంలో క్లారిటీ ఇవ్వలేదు. టాలీవుడ్ సినీ ప్రముఖులు మాత్రం బిజీ వల్ల మహేష్ 25 వ మూవీ నుంచి గోపి సుందర్ తప్పుకున్నారని, ఆ అవకాశం తమన్ కి లభించిందని వెల్లడిస్తున్నారు. అయితే మరో మారు “సారొస్తారు” వంటి పాటలు వినబోతున్నామన్న మాట.

Also, do SUBSCRIBE to our YouTube channel to get latest Tollywood updates.