Thank You OTT: ఓటీటీలో సందడి చేయనున్న చైతన్య థాంక్యూ!

అక్కినేని నాగచైతన్య రాశి ఖన్నా జంటగా నటించిన చిత్రం థాంక్యూ. ఈ సినిమా విక్రమ్ కే కుమార్ దర్శకత్వంలో దిల్ రాజు నిర్మాణంలో తెరకెక్కింది. ఎన్నో అంచనాల నడుమ గత నెల 22వ తేదీ ప్రేక్షకుల ముందుకు వచ్చిన ఈ సినిమా బాక్సాఫీస్ వద్ద డిజాస్టర్ టాక్ సొంతం చేసుకుంది. ఈ సినిమా విడుదల సమయంలో టికెట్లు రేట్లు తగ్గించి విడుదల చేసినప్పటికీ సినిమా నెగిటివ్ టాక్ రావడంతో ప్రేక్షకులు సైతం సినిమాని చూడటానికి ఆసక్తి చూపించలేదు.

ఇందులో నాగచైతన్య 3 వేరియేషన్లలో కనిపించి సందడి చేశారు. అభిరామ్ అనే ఒక యువకుడి జీవితంలో జరిగిన కథను ఎమోషనల్ జర్నీగా ఈ సినిమా ద్వారా చూపించినప్పటికీ ఈ సినిమా పెద్దగా ప్రేక్షకులను సందడి చేయలేక పోయింది. ఇలా థియేటర్లో విడుదలైన ఈ సినిమా భారీ నష్టాలను మూట కట్టుకుంది.

ఇకపోతే థియేటర్స్ పూర్తి కావడంతో ఈ సినిమాని ఓటీటీ లో విడుదల చేయడానికి మేకర్స్ సిద్ధమయ్యారు. ఈ సినిమా డిజిటల్ హక్కులను ప్రముఖ ఓటీటీ సమస్థ అమెజాన్ కైవసం చేసుకుంది. ఇకపోతే ఈ సినిమా ఆగస్టు 12వ తేదీ నుంచి అమెజాన్ తో పాటు సన్ నెక్స్ట్ లో ప్రసారం కానున్నట్లు తెలుస్తోంది.

ఇకపోతే ఈ విషయం గురించి మేకర్స్ అధికారిక ప్రకటన తెలియజేయాల్సి ఉంది. ఇక నాగచైతన్య సినిమాల విషయానికొస్తే బాలీవుడ్ నటుడు అమీర్ ఖాన్ తో కలిసి నటించిన లాల్ సింగ్ చద్దా ఈనెల 11వ తేదీ ప్రేక్షకుల ముందుకు రానుంది. ప్రస్తుతం నాగచైతన్య ఈ సినిమా ప్రమోషన్ కార్యక్రమాలలో బిజీగా ఉన్నారు. ఇక ఈ సినిమాతో పాటు ఈయన దూత అనే వెబ్ సిరీస్ లో నటించారు.

రామారావు ఆన్ డ్యూటీ సినిమా రివ్యూ & రేటింగ్!

Most Recommended Video

అసలు ఎవరీ శరవణన్.. ? ‘ది లెజెండ్’ హీరో గురించి ఆసక్తికర 10 విషయాలు..!
ఈ 10 మంది దర్శకులు ఇంకా ప్లాపు మొహం చూడలేదు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?