సౌత్ ఇండియన్ ఫిలిం ఇండస్ట్రీ గర్వించదగ్గ దర్శకులు రాజమౌళి మరియు శంకర్. వీళ్ళ మార్కెట్ పాన్ ఇండియా ని దాటి పాన్ వరల్డ్ రేంజ్ కి ఎప్పుడో వెళ్ళిపోయింది. వీళ్లకు ఇండియాలోనే కాకుండా ఇతర దేశాల్లో కూడా ఎవ్వరూ ఊహించనంత మార్కెట్ ఉంది. ఎంత పెద్ద సూపర్ స్టార్ అయినా వీళ్లిద్దరి తో కలిసి ఒక్క సినిమాలో అయినా నటించాలని కోరుకుంటూ ఉంటారు. కానీ వీళ్ళు మాత్రం ఒక స్టార్ తో సినిమా చెయ్యాలని ఎంతగానో ఎదురు చూస్తుంటారు. ఆ స్టార్ మరెవరో కాదు, పవర్ స్టార్ పవన్ కళ్యాణ్.
ఈయనతో గతం లో దర్శక ధీరుడు రాజమౌళి పంజా సినిమా సమయం లో ఒక చిత్రం చేద్దాం అనుకున్నాడు. కానీ ఆ తర్వాత పవన్ కళ్యాణ్ తన సినిమాలతో తాను బిజీ అవ్వడం, రాజమౌళి బాహుబలి సిరీస్ తో బిజీ అవ్వడం వల్ల, ఈ ప్రాజెక్ట్ అట్టకెక్కింది. ఇప్పటికీ ఆయనకి పవన్ కళ్యాణ్ తో ఒక సినిమా చెయ్యాలని ఉంది, కానీ ఇప్పుడు ఆయన రాజకీయాలు మరియు సినిమాలు అంటూ రెండు పడవల మీద కాళ్ళు పెట్టి ప్రయాణం చేస్తుండడం తో కుదరకపోవచ్చు.
అయితే ఇప్పుడు (Pawan Kalyan) పవన్ కళ్యాణ్ తో సినిమా చెయ్యడానికి డైరెక్టర్ శంకర్ కూడా ఎంతో ఉత్సాహం ని చూపిస్తున్నాడు. ప్రస్తుతం ఆయన రామ్ చరణ్ తో ‘గేమ్ చేంజర్’ అనే సినిమా చేస్తున్నాడు, అలాగే కమల్ హాసన్ తో కూడా ‘ఇండియన్ 2 ‘ అనే చిత్రాన్ని సమాంతరం గా చేస్తున్నాడు. అయితే రామ్ చరణ్ తో చేస్తున్న‘గేమ్ చేంజర్’ సినిమా తొలుత పవన్ కళ్యాణ్ తో చెయ్యాలని శంకర్ అనుకున్నాడట. కానీ ఈ సినిమాకి పవన్ కళ్యాణ్ కంటే రామ్ చరణ్ బెస్ట్ ఛాయస్ అని చెప్పి రామ్ చరణ్ తో ఓకే చేయించాడట శంకర్.
అయితే ఇప్పుడు ఆయన దగ్గర మరో పొలిటికల్ సబ్జెక్టు ఉందట. ఈ సబ్జెక్టుకి పవన్ కళ్యాణ్ తప్ప ఎవ్వరూ న్యాయం చెయ్యలేరని శంకర్ భావిస్తున్నాడట. ప్రస్తుతం ఆయన చేస్తున్న రెండు సినిమాలు పూర్తి అయ్యాక, వచ్చే ఏడాది లోపు స్క్రిప్ట్ వర్క్ పూర్తి చేసి పవన్ కళ్యాణ్ కి కథ వినిపించబోతున్నాడట. ఇది ఇప్పుడు టాలీవుడ్ లో హాట్ టాపిక్ గా మారిన అంశం, ఇదే కనుక నిజమైతే బాక్స్ ఆఫీస్ వద్ద విద్వంసం మామూలు రేంజ్ లో ఉండదు అనే చెప్పొచ్చు.
ప్రేక్షకులను థియేటర్ కు రప్పించిన సినిమాలు ఇవే..!
ప్రభాస్, పవన్ కళ్యాణ్ లతో పాటు అభిమానుల చివరి కోరికలు తీర్చిన స్టార్ హీరోలు!
టాలెంట్ కు లింగబేధం లేదు..మహిళా డైరక్టర్లు వీళ్లేనా?
పిల్లలను కనడానికి వయస్సు అడ్డుకాదంటున్న సినీతారలు
Home