బిగ్ బాస్ తెలుగు సీజన్ 7 కి సంబంధించిన అఫిషియల్ అనౌన్స్మెంట్ వచ్చేసింది. త్వరలోనే ఈ సీజన్ ప్రసారమవుతుందని.. ఈసారి మరిన్ని సర్‌ప్రైజ్‌లు, థ్రిల్లింగ్‌ అంశాలు, భావోద్వేగాలు మిళితమై ఉంటాయని నిర్వాహకులు సోషల్‌ మీడియా ద్వారా ఓ వీడియోని పంచుకున్న సంగతి తెలిసిందే.ఈ సీజన్ కూడా స్టార్ మరియు డిస్నీ+ హాట్‌ స్టార్ ఓటీటీలోనూ స్ట్రీమింగ్‌ కానుందని ప్రకటించిన సంగతి తెలిసిందే. అయితే హోస్ట్ ఎవరు అన్నది చెప్పలేదు. చాలా కాలంగా నాగార్జున ఈ షో నుండీ తప్పుకున్నట్టు ప్రచారం జరుగుతుంది. ఆ సస్పెన్స్ కొనసాగించాలి అనుకున్నారో ఏమో ..
కానీ మొన్నటికి మొన్న ప్రకటించలేదు. దీంతో ఆ ప్రచారం నిజమని అంతా అనుకున్నారు. అయితే లేటెస్ట్ ప్రమోతో ఆ ప్రచారానికి ఫుల్ స్టాప్ పడింది అని చెప్పాలి. బిగ్ బాస్ 7 కి సంబంధించిన లేటెస్ట్ ప్రోమో లో నాగ్ కనిపించి సర్ప్రైజ్ చేశారు.కుడి ఎడమైతే పొరపాటు లేదో’ అంటూ నాగ్ పాట పాడుతూ తనదైన శైలిలో చిటికె వేయడంతో, బ్యాగ్రౌండ్ లో ఉన్న వస్తువులన్నీ గాల్లోకి ఎగురుతున్నట్లు ఈ ప్రోమోలో ఉంది.
ఈ ప్రోమోలో నాగ్ కొత్త లుక్ బాగుంది. సీజన్ 7 మరింత కొత్తగా ఉండబోతుంది అనే క్లారిటీ ఇచ్చింది. సీజన్ 3 నుండీ బిగ్ బాస్ ను నాగార్జునే హోస్ట్ చేస్తున్నారు. కంటెస్టెంట్స్ ను నాగ్ డీల్ చేసే విధానం బాగుంటుంది. అందుకే బిగ్ బాస్ పై అందరిలోనూ ఆసక్తి ఎక్కువ అని చెప్పాలి.
