సిరివెన్నెల సీతారామ శాస్త్రి అమితంగా ఇష్టపడే హీరోలు వీళ్ళే..!

November 30, 2021 / 10:17 PM ISTByFilmy Focus

Join Us

సిరివెన్నెల సీతారామ శాస్త్రి అమితంగా ఇష్టపడే హీరోలు వీళ్ళే..!

‘కలం ఆగింది…సాహిత్యానికి చీకటి కమ్మింది… అయినప్పటికీ ఎన్నో జ్ఞాపకాలను మిగిల్చి వెళ్ళింది’ అంటూ సిరివెన్నెల సీతారామశాస్త్రి గారిని తలుచుకుంటూ టాలీవుడ్ అంతా బాధపడుతుంది. సిరివెన్నెల గారు సాహిత్యం అందించిన ఎన్నో పాటలు 5 నిమిషాల్లోనే మనలో ఉన్న లోపాలని ఎత్తి చూపుతాయి అదే విధంగా చైతన్యాన్ని నింపే విధంగా ఉంటాయి. ‘ఆయన కలని..కాలానికి అనుగుణంగా కలంతో సాకారం చేసుకుంటాడు, ఆయన జ్ఞానం అనంతం…ఆయన అర్ధరాత్రి మేల్కొనే సూర్యుడు’ అంటూ త్రివిక్రమ్ కూడా ఊరికినే అనలేదు.

నిజానికి సిరివెన్నెల గారినే మనం హీరో అని అనాలి. అలాంటి హీరోకి నచ్చిన హీరోలు కూడా ఉన్నారు అంటే వాళ్ళు ఇంకెంత తోపులో అనే ఆలోచన మైండ్లో రన్ అవుతూ ఉంటుంది. వాళ్ళు మరెవరో కాదు.. అప్పట్లో చిరంజీవి గారు, ఇప్పుడు అల్లు అర్జున్. ‘రుద్రవీణ’ సినిమాకి పనిచేస్తున్నప్పుడు చిరంజీవి గారి డెడికేషన్ కు ఫిదా అయిపోయారట సిరివెన్నెల గారు. ఆయన స్టార్ డం ఏంటి? దానిని పక్కన పెట్టి అలాంటి సామాజిక స్పృహ ఉన్న సినిమా చేయడం ఏంటి?

అంటూ ఆశ్చర్యపోయి చిరంజీవి గారికి పెద్ద ఫ్యాన్ అయిపోయారట సిరివెన్నెల గారు. చిరు సినిమా అంటే ప్రత్యేక శ్రద్ద పెట్టి రాత్రంతా నిద్ర పోకుండా.. సిగరెట్ల మీద సిగరెట్లు కాలుస్తూ పాటలు రాసేవారట సిరివెన్నెల గారు. ఇక ఇప్పటి స్టార్ హీరోల్లో అల్లు అర్జున్ అంటే బాగా ఇష్టమని సిరివెన్నెల గారు ఓ సందర్భంలో చెప్పుకొచ్చారు. చిరంజీవి గారిలా మంచి డెడికేషన్ తో పనిచేసే హీరో ఒక్క బన్నీ మాత్రమే అని ఆయన కొనియాడారు.