Allu Arjun, Koratala Siva: బన్నీ కొరటాల మధ్య గ్యాప్ కు కారణమిదే..?

స్టార్ డైరెక్టర్ కొరటాల శివ బన్నీ కాంబినేషన్ లో ఒక సినిమా తెరకెక్కాల్సి ఉండగా తారక్ కొరటాల శివ ప్రాజెక్ట్ ఫైనల్ కావడంతో ఈ సినిమా వాయిదా పడిన సంగతి తెలిసిందే. అయితే బన్నీ కొరటాల శివ సినిమా వాయిదా పడటం గురించి అటు బన్నీ ఇటు కొరటాల శివ స్పందించలేదు. తెలుస్తున్న సమాచారం ప్రకారం పుష్ప సినిమా రెండు భాగాలుగా తెరకెక్కనున్న నేపథ్యంలో ఈ విషయం తెలిసి కొరటాల శివ ఎన్టీఆర్ తో సినిమా చేయడానికి ఓకే చెప్పినట్టు సమాచారం.

ఇప్పటికే ఆచార్య సినిమా కోసం కొరటాల శివ ఏకంగా మూడు సంవత్సరాల సమయం కేటాయించాల్సి వచ్చింది. కరోనా ఫస్ట్ వేవ్, సెకండ్ వేవ్ వల్ల ఈ సినిమా షూటింగ్ కు బ్రేకులు పడటంతో పాటు ఇతర కారణాల వల్ల ఈ సినిమా షూటింగ్ అంతకంతకూ ఆలస్యమైంది. ఎన్టీఆర్ తో తెరకెక్కించే సినిమా విషయంలో మాత్రం ఈ తప్పు జరగకూడదని కొరటాల శివ భావిస్తున్నారు. మరోవైపు బన్నీ కొరటాల శివ ప్రాజెక్ట్ పై కూడా అనేక అనుమానాలు వ్యక్తమవుతున్నాయి.

నిర్మాత మిక్కిలినేని సుధాకర్ ఈ సినిమా ఉంటుందని స్పష్టం చేసినా ఇండస్ట్రీ వర్గాల్లో మాత్రం ఈ ప్రాజెక్ట్ ఉండకపోవచ్చని తెలుస్తోంది. బన్నీ కోసం తయారు చేసిన కథతోనే ఎన్టీఆర్ సినిమాను కొరటాల శివ తెరకెక్కిస్తున్న నేపథ్యంలో ఈ సందేహాలు వ్యక్తమవుతున్నాయి. స్టూడెంట్ పాలిటిక్స్ నేపథ్యంలో కొరటాల శివ కథ సిద్ధం చేస్తుండగా కొరటాల శివ జనతా గ్యారేజ్ ను మించి ఈ సినిమా హిట్టవుతుందని భావిస్తున్నారు. వచ్చే ఏడాది ఏప్రిల్ 29వ తేదీన ఈ సినిమా రిలీజ్ కావాల్సి ఉంది.

Most Recommended Video

ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!